Menu
Search
Exact matches only
Search in title
Search in content
Search in comments
Search in excerpt
Filter by Custom Post Type
Shows
Schedule
Posts
Pages
Filter by Genres
ШИВНЭЭ
ЖУДАГ
БОСГО АЛХАЖ ХОЙМОР
ДУЛААХАН ГЭР
ДУГУЙ ШИРЭЭНИЙ БҮСГҮЙЧҮҮД
ЗАЛУУС НӨГӨӨ КАФЕД
БАРИМТАД ЯРИА
БЭРЦЭЦЭГ
СОР ҮНДЭС
БИБЛИЙН ХУУДСААР
ГАЙХАМШИГТ ЕРТӨНЦ
{ "homeurl": "http://www.1045.mn/", "resultstype": "vertical", "resultsposition": "hover", "itemscount": 4, "imagewidth": 70, "imageheight": 70, "resultitemheight": "auto", "showauthor": 0, "showdate": 0, "showdescription": 1, "charcount": 3, "noresultstext": "Үр дүн байхгүй байна!", "didyoumeantext": "Did you mean:", "defaultImage": "http://www.1045.mn/wp-content/plugins/ajax-search-pro/img/default.jpg", "highlight": 0, "highlightwholewords": 1, "openToBlank": 0, "scrollToResults": 0, "resultareaclickable": 1, "autocomplete": { "enabled": 1, "googleOnly": 0, "lang": "en", "mobile": 1 }, "triggerontype": 1, "triggeronclick": 1, "triggeronreturn": 1, "triggerOnFacetChange": 1, "trigger": { "delay": 300, "autocomplete_delay": 310 }, "overridewpdefault": 0, "override_method": "post", "redirectonclick": 0, "redirectClickTo": "results_page", "redirect_on_enter": 0, "redirectEnterTo": "results_page", "redirect_url": "?s={phrase}", "settingsimagepos": "right", "settingsVisible": 0, "hresulthidedesc": "0", "prescontainerheight": "400px", "pshowsubtitle": "0", "pshowdesc": "1", "closeOnDocClick": 1, "iifNoImage": "description", "iiRows": 2, "iiGutter": 5, "iitemsWidth": 200, "iitemsHeight": 200, "iishowOverlay": 1, "iiblurOverlay": 1, "iihideContent": 1, "loaderLocation": "auto", "analytics": 0, "analyticsString": "", "show_more": { "url": "?s={phrase}", "action": "ajax" }, "mobile": { "trigger_on_type": 1, "trigger_on_click": 1, "hide_keyboard": 0 }, "compact": { "enabled": 0, "width": "100%", "closeOnMagnifier": 1, "closeOnDocument": 0, "position": "static", "overlay": 0 }, "animations": { "pc": { "settings": { "anim" : "fadedrop", "dur" : 300 }, "results" : { "anim" : "fadedrop", "dur" : 300 }, "items" : "fadeInDown" }, "mob": { "settings": { "anim" : "fadedrop", "dur" : 300 }, "results" : { "anim" : "fadedrop", "dur" : 300 }, "items" : "voidanim" } }, "autop": { "state": "disabled", "phrase": "", "count": 10 } }
Home

МЭДЭЭ МЭДЭЭЛЭЛ

ЭНЭ ӨДӨР ДЭЛХИЙН ТҮҮХНЭЭ

Өнөөдөр 2018 оны 04-р сарын 23-ны өдөр

1827- William Lincoln дугуй механизмд зурагт туузнуудыг байрлуулснаар хөдөлгөөнт дүрс үзүүлдэг машин Zoetrope-ыг зохион бүтээжээ.
1994-Физикчүүд хагас атомын хэсгийг нээжээ.
1993-Эритрейнчүүд НҮБ-ын хяналттай бүх нийтийн санал хураалтаар Этиопын тусгаар тогтнолыг бүрэн дэмжсэн байна.

“Хүн байгаль” үзэсгэлэнг тольдоорой

Норп Арт галерейн үзэсгэлэнгийн танхимд эх дэлхийгээ хайрлая уриан дор “Хүн байгаль” сэдэвт үзэсгэлэн гарч байна. Байгаль нь хүний санаа хүслээс үл хамааран өөрийн жамаараа үүсэж өөрийн зүй тогтлоор хувьсан өөрчлөгдөж байдаг. Тэрхүү сав ертөнцөд байгалиа шүтэж амьдардаг амьтны нэг нь хүн төрлөхтөн юм. Нүүдлийн соёл иргэншил байгаль эх 2 хоорондоо хүйн холбоотой билээ. “Хүн байгаль” үзэсгэлэнгийн гол санаа нь соёлын бий болох, оршин тогтнох, улмаар хөгжин хувьсахын язгуур үндэс нь байгалиа гэсэн санаа юм. Иймд эх дэлхийгээ хайрлах уриан дор үзэсгэлэнгээ толилуулж байна. Тус үзэсгэлэн нь энэ сарын 30 хүртэл үзэгчдийн хүртээл болох ажээ. Мөн энэхүү үзэсгэлэн нь хүрээгээ тэлж 2-р хэсэг нь ДУИС-ийн оюутнуудын шилдэг бүтээлээр үргэлжлэх ажээ.

Хүн бүхэнд зурах авъяас бий

Монголын уран зургийн галерейд сор болсон 4000 гаруй бүтээлүүд байна. Жил бүр уран бүтээлчдийн шинэ бүтээлүүдээр баяжигдаж үзэгч олны хүртээл болдог. Уран зургийн галерейгаар жилд 5000 гаруй хүн үйлчлүүлж урлагийн сор бүтээлүүдтэй танилцдаг байна. Харин зуны цагт 2000 гаруй гадны жуулчид үйлчлүүлдэг ажээ. Галерейн дэргэд уран зураг сонирхогчдод зориулсан сургалт хичээллдэг байна. Энэхүү сургалтанд зураг сонирхдог ямар ч насны хүмүүс суралцах боломжтой юм байна. Уран зургийн галерейд ардын зураач Ядамсүрэнгийн “ Өвгөн хуурч” Одонгийн “ Ажлын дараа” Цэвэгжавын “ Азарганы ноцолдоон” зэрэг алдартай бүтээлүүдээс гадна 1920 –иод онд Марзан Шаравын зурсан алдартай бүтээлүүд ч байна. Та бидний хэний ч үзэл бодол амьдрал нийгэмд өөрчлөлт хийж чадахуйц агуу хүчтэй байдгийг урлагаар дамжуулан хүргэх боломжтой байдаг.

177123-08012016-1452224021-290908536-1

Өнөөдөр дэлхийн номын өдөр тохиож байна

Юнеско буюу НҮБ-ын БСШУ-ны байгууллага 1995 онд анх 4-р сарын 23-ны өдрийг дэлхийн ном болон зохиогчийн эрхийн өдөр болгон зарлаж, жил бүр тэмдэглэж ирсэн. Манай улсад БСШУ-ны сайдын шийдвэрээр “Дэлхийн номын өдөр”-ийг 2018 оны 4-р сарын 20-оос 25-ны өдрүүдэд улс орон даяар тэмдэглэн өнгөрүүлэхээр болжээ. Дэлхийн номын өдрийг тохиолдуулан 4-р сарын 23-ны өдөр Улаанбаатар хотод үйл ажиллагаа явуулж буй нийтийн номын сангууд уншигчийн картыг үнэгүй олгож байна. Хүүхдийн төв номын сангаас “Үндэсний өв соёлоо дээдлэхүй” сэдэвт морин хуурын тоглолт хийж, хүүхдийн зохиолчидтой уулзалт хийсэн байна. Мөн энэ өдөр төрийн ордонд зохиолчдын гарын үсэгтэй номын худалдаа, номын үзэсгэлэн , олон улсын мэдээллийн сангуудын танилцуулга , хамтран ашиглах боломж номын хэхэлцүүлэг зэрэг арга хэмжээ болох юм байна.

“Манай хороо- миний гудамж”аян амжилттай өрнөж байна

Нийслэлийн засаг даргын захирамжаар энэ оныг  “Иргэдийн оролцоотой-Амьдрах орчныг сайжруулах жил” болгосон. Энэ ажлын хүрээнд  “Манай хороо-Миний гудамж” аяныг анх удаа Нийслэлийн 152 хорооны айл өрх, аж ахуй нэгжийн шилдэгийг шалгаруулах болзолт уралдааныг зохион байгуулж байна. . Тус аян нь Улаанбаатар хотын 152 хорооны бүх айл өрх, аж ахуй нэгжлийг хамруулж, иргэдийг ая тухтай орчин нөхцөлд амьдрах нөхцөлийг хангуулах зорилгоор хийгдэж байгаа юм.“Манай хороо- миний гудамж”аян 7 сарын хугацаатай үргэлжилж, шилдэг дүүрэг, хороо, орон сууц, шилдэг өрх зэрэг номинацааар байр эзлүүлэх ажээ. 10-р сарын 29 буюу Нийслэлийн өдрөөр шилдэгүүдэд байр эзлүүлж шагналыг гардуулах  юм байна.

a41d9b7e2ac382d9b52418d82acf5e7bbig

Авто машины аккумляторын хулгай нэмэгдсэн байна

2018 оны эхний хоёр сарын байдлаар нийслэлийн хэмжээнд 2243 хулгайлах гэмт хэрэг үйлдэгдсэн. Түүний дийлэнх хувийг автомашины эд анги, түүн дотроо аккумлятор хулгайлах, приус автомашины зөөлөн яндан хулгайлах гэмт хэргүүд ихэвчлэн үйлдэгдэж байна. Хулгайн гэмт хэрэгтэй тэмцэх чиглэлээр Нийслэлийн цагдаагийн газрын Мөрдөн шалгах газраас дүүргүүд дахь цагдаагийн хэлтсүүд, олон нийтийн аюулгүй байдлыг хамгаалах албатай хамтраад эргүүл, хяналт шалгалтын ажиллагаа явуулж эхэлсэн. Нийслэлийн цагдаагийн газраас 150 гаруй аккумляторыг тээврийн хэрэгсэл ашиглаж хулгайлсан бүлэг этгээдийг олж тогтоогоод баримтжуулан шалгаж байна. Эдгээр этгээд 17-23 насны зургаан этгээд байгаа. Тэд хоёр машин ашиглаад Баянзүрх, Баянгол, Сонгинохайрхан дүүргийн нутаг дэвсгэрээс дээрх аккумляторуудыг хулгайлсан нь тогтоогдоод байна. Хулгайн аккумляторуудыг зургаан түүхий эдийн цэгт зардаг байжээ.

Антибиотекийг зөвхөн эмчийн жороор олгоно

Сүүлийн жилүүдэд ялангуяа антибиотекийн хэрэглээ ихэссэн нь мэргэжлийн хүмүүсийн санааг зовоож байна. Ханиадны шинж тэмдэг илэрсэн хэн боловч шууд л эмийн санруу очиж, өөрийн дураар эм худалдан авдаг. Тэгвэл антибиотек нь зөвхөн  нянгаар үүсгэгдсэн өвчний үед л эмчийн зааврын дагуу болгоомжтой хэрэглэдэг нян устгах үйлчилгээтэй бэлдмэл юм. Гадны улс орнуудад   антибиотекийг хэзээ ч эмийн сангаар  худалддаггүй. Үүний дагуу манайх ч зөвхөн эмчийн жороор олгодог болсон нь сайшаалтай байна. Антибиотекийг байнга хэрэглэснээр хүний биед дасал болох сөрөг үр дагавартай юм. Хуруугаа эсэх төдий ч эмчилгээ авахгүй үрэвсэж, улмаар амь насанд хүрэх аюул бүрддэг гэдгийг мэргэжлийн хүмүүс анхааруулж байна. Иймд эцэг эх та антибиотекийн хэрэглээнээс татгалзаж, хүүхэддээ болон өөрийн биед ямар нэг байдлаар дасал болгохгүй байхыг хичээгээрэй.

maxresdefault (2)

НҮБ-аас ундны усны чанарт судалгаа хийжээ

Нэгдсэн Үндэстний Байгууллагын хүний эрх, ундны усны аюулгүй байдал, ариун цэврийн байгууламжийн асуудал хариуцсан Тусгай илтгэгч Лео Хеллер Монгол Улсын Засгийн газрын урилгаар 4-р сарын 9-өөс Монгол улсад ажиллахдаа ундны ус, ариун цэврийн байгууламжийн хангамж, хүртээмж, чанар, иргэдийн худалдан авах чадавхийн талаар мэдээлэл цуглуулсан байна. Тэрээр хүн амын тодорхой бүлэг, тухайлбал, эмэгтэйчүүд, охид, хөгжлийн бэрхшээлтэй иргэд, мөн хөдөө орон нутгийн иргэдийн хэрэглэж буй усны аюулгүй байдал, хүртээмж, хангамж, мөн ариун цэврийн байгууламжийн нөхцөл байдалтай нарийвчлан танилцсан байна. Тусгай илтгэгч нь нийслэл хот болон Өмнөговь аймгийн Даланзадгад, Цогтцэций сум, мөн эдгээр хот суурин газруудын ойр орчимд нутаглаж буй иргэд, баталгаат ундны ус, ариун цэврийн байгууламжтай байх хүний эрхээ эдлэхэд юу саад болж байгаа ба цаашдаа юу хийх шаардлагатайг судалсан байна.

Хүчирхийлэлд өртсөн хүмүүсийн тоо эрс нэмэгджээ

Дэлхийн олон улс оронд гэр бүлийн болон бэлгийн хүчирхийллийн хохирогчдыг хамгаалах, нөхөн сэргээх, дунд шатнаас урьдчилан сэргийлэх зэрэг нийгмийн ажлын үйлчилгээг олон салбарын мэргэжилтнүүд нэг цэгээс, нэгэн зэрэг үзүүлэх үйлчилгээ бий болоод хориод жил болжээ. Манай улсад ч дээрхи туршлагыг түгээн дэлгэрүүлэхийг засгийн газраас бодлогоор дэмжиж байгаагийн нэг илрэл нь Засгийн газрын 279-р тогтоолоор баталсан “Осол гэмтэл хүчирхийллээс сэргийлэх үндэсний хөтөлбөр”-ийн хүрээнд “Нэг цэгийн үйлчилгээний төв байгуулах тухай” журам батлагдсан байна. Үүний дагуу ГССҮТ, ХЗДХЯ-ны харъяа шүүх эмнэлэг, СБД-ийн ЭМН зэрэг газруудад нэг цэгийн үйлчилгээний төв байгуулагджээ. Гэр бүлийн болон бэлгийн хүчирхийлэлд өртсөн насанд хүрэгчид, хүүхдийг хэвийн байдалдаа эргэн ороход дэмжин туслахад нийгмийн халамжийн, эрүүл мэндийн, сэтгэл зүй, хууль эрх зүй салбар дундын оролцоог зангидсан зохион байгуулалт бүхий үр дүнтэй цогц үйлчилгээг нэг цэгийн үйлчилгээ гэж нэрлэдэг байна. Гэр бүлийн хүчирхийлэл нь ихэвчлэн шөнө оройн цагаар үйлдэгддэг учраас нэг цэгийн үйлчилгээ нь 24 цагаар ажилладаг байна.

2396

Драмын театрын уран бүтээлүүд говийн үзэгчдэд хүрнэ

УДЭТ-ын уран бүтээлчид жил бүрийн хавар намар орон нутгийн үзэгчиддээ шинэ уран бүтээлээ хүргэдэг уламжлалтай. Энэ хаврын аялан тоглолтоо Өмнөговь Дундговьд хүргэх гэж байна. Нийт 50-иад хүний бүрэлдэхүүнтэй баг говийг зорих гэж байна. Тухайлбал Төрийн шагналт Н.Сувд, Ардын жүжигчин Цэрэндагва, Мягмарнаран, Сарантуяа, гавъяат жүжигчин Жаргалсайхан, Оюундарь болон бусад уран бүтээлчид багтаж байна. Өмнөговь аймгийн үзэгчид Данзанравжаагийн “Саран хөхөө” жүжгийг тоглож өгөх хүсэлтийг ирүүлсний дагуу хүргэх ажээ. Мөн Э.Оюуны “Би эндээс явахгүй” жүжиг, Ганхуягийн “Бүүвэй” , бяцхан үзэгчиддээ зориулж Михалковийн “Бардам туулай” жүжгүүдийг хүргэх юм байна. Ирэх 5-р сарын 18-аас 21 хүртэл говийн аймгуудад театрын уран бүтээлүүд хүрнэ. Мөн энэ үеэр үзэгчид өөрсдийн хүндэлж явдаг жүжигчидтэйгээ уулзаж ярилцах боломжтой ажээ.

“Их цэвэрлэгээний 90 минут” энэ сарын 21 нд болно

Улаанбаатар хотын Захирагчийн ажлын албанаас 2018 оны дөрөвдүгээр сарын 14-ний өдрийн 11:00 цагт “ИХ ХОТЫН ИХ ЦЭВЭРЛЭГЭЭНИЙ 90 МИНУТ” уриатайгаар бүх нийтийн их цэвэрлэгээг зохион байгуулахаар төлөвлөөд байсан. Гэвч цаг агаарын байдлаас шалтгаалан цэвэрлэгээ хойшилж энэ бямба гаригт болох гэж байна.  Цэвэрлэгээг нэгэн зэрэг нийслэл даяар 11:00 цагт эхлүүлэх бөгөөд иргэд, ААН, байгууллагууд 90 минутын турш ойр орчмынхоо хог хаягдлыг цэвэрлэж, хана, фасад, цонх, хаяг, хаягийн байгууламж, сандал, хогийн сав, үүд довжоогоо угааж, гадна талбайгаа чийгшүүлэх юм. Их цэвэрлэгээний 90 минут 11:00 цагаас тоолж эхэлнэ. Энэ хугацаанд ААН, байгууллагуудыг үйл ажиллагаагаа түр зогсоож, хотоо цэвэрлэх ажилд нэгдэхийг уриалж байна. Мөн энэхүү 90 минутын хугацаанд замын хөдөлгөөнд оролцож байгаа жолооч нарыг их гэрлээ асааж, 11:00 цагт дуут дохиогоо гурван удаа өгч их цэвэрлэгээнд нэгдэхийг уриалж байна.

2_20180122122831

Шаардлага хангаагүй сурталчилгааны хаяг, самбаруудыг буулгаж байна

Иргэдийг эрүүл ая тухтай орчинд амьдрах нөхцөлөөр хангах, тохижилт, ногоон байгууламж, хог хаягдал, цэвэрлэгээний менежментийг сайжруулах, дүүргийн өнгө үзэмжийг дээшлүүлэх зорилготой “Манай хороо-Миний гудамж” аян өнгөрсөн гуравдугаар сараас хэрэгжиж эхэлсэн. Тус аяны хүрээнд Улаанбаатар хотын Ерөнхий менежерийн 2017 оны “Гадна зар сурталчилгааны байгууламжийг буулгах ажлыг зохион байгуулах тухай” тушаалаар шаардлага хангаагүй сурталчилгааны хаяг, хаягийн байгууламжуудыг буулгажээ. Тодруулбал, нийтийн эзэмшлийн зам талбайд байрлуулсан өнгө үзэмжгүй, замын хөдөлгөөний үзэгдэх орчин хязгаарласан хувь хүн хуулийн этгээдийн зөвшөөрөлгүйгээр байрлуулсан зэрэг хаягуудыг албадан буулгах үйл ажиллагааг өнгөрсөн амралтын өдрүүдэд зохион байгуулсан байна. Үүнд  самбар, 170 хаяг хаягийн байгууламж, 250 орчим цаасан болон хулдаасан зарлалын хуудсыг албадан буулгасан байна. Цаашид дөрвөн буудлаас 32-ийн тойрог, 32 тойргоос Баянбүрдийн аюулгүй тойрог, Дарь-Эхийн гудамж, Ногоон нуурын гудамжнуудыг үе шаттайгаар буулгах ажлыг зохион байгуулан ажиллахаар төлөвлөөд байгаа юм байна.

Цахим орчинд үйлдэгдэж буй залилан мэхлэх гэмт хэрэг нэмэгдэж байна

Сүүлийн үед фейсбүүк, зарын сайтуудаар их хэмжээний мөнгийг бага хүүтэй зээлүүлнэ гэсэн хуурамч зарууд ихээр явах болсон.  Ихэвчлэн хуурамч хаяг үүсгэн өөрийгөө банк санхүүгийн байгууллагад өндөр албан тушаал хашдаг гэх мэтээр хууран мэхэлж зээлийн бичиг баримт орчуулгын төлбөр, мөнгө шилжүүлэх хураамж зэргээр мөнгө шилжүүлэхийг шаардаж залилангийн гэмт хэрэг үйлдэж байна. Гэмт этгээдүүд бүгд гадаадын улсын иргэд байдаг тул хохирогчдын итгэлийг олох зорилгоор орчуулгын программ ашиглан Монголоор бичих, монгол хүний нэр зураг ашиглан хуурамч фейсбүүк хаяг нээн зээл өгсөнд баярлалаа гэх мэт худал сэтгэгдэл, мэдээлэл тараах, хуурамч бичиг баримт зураг янзалж өөрчлөн явуулах зэрэг олон арга ашиглаж байна. Зээл гаргаж өгнө, виз гаргаж өгнө, мөнгө шилжүүлнэ гэх заруудыг хуурамч фэйсбүүк хаягаас зарын групп дээр тарааж байна. Гадаад улсын гэмт бүлэглэлүүд бусдын фэйсбүүк хаягт хууль бусаар нэвтэрч тухайн хаягийг ашиглан залилан мэхлэх гэмт хэрэг үйлдэж байна. Иргэд өөрийн танихгүй хүнийг сошиал орчин хүрээлэлдээ оруулах, өөрсдийн хувийн мэдээллээ сайтар нууцлаагүйгээс гэмт этгээдүүдийн бай болж байна. Уг гэмт хэргийг үйлдэж буй этгээдүүд  гэмт үйлдлээ гадаад орноос хийдэг, ашиглаж буй цахим болон IP хаяг нь  хуурамч, олдох боломжгүй, олон улс дамнасан байдгаараа бусад хэргээс ялгаатай байдаг. Танд зээл өгнө, мөнгө явуулсан, та азтан боллоо хэмээн харилцаж буй хүн бол гэмт этгээд байдаг гэдгийг үргэлж санах хэрэгтэй. Дээрх гэмт хэрэгт өртөхгүй байх нь иргэн танаас шууд хамаарна.

61263

“Бодлын үзүүр” сэдэвт бүсгүйчүүдийн уулзалт болно

Эмэгтэй хүний сэтгэл дотор, бодогдоод явдаг олон учиг бий. Заримыг нь хийж чадна, зарим нь бодолд уяатай байсаар л… Улмаар сэтгэл дэх бодлынх нь үзүүр үелзэхэд мөр дагасан үс нь салхинд хийсэх шиг.Гэр бүлийн радио 104.5 “Цэцгийн хатан” нэвтрүүлэг сар бүр хөгжлийн бүлгийн уулзалт зохион байгуулдаг. Энэ удаад бүсгүй хүн өөртэйгөө уулзаж, өөрийн бодлоо цэгцлэх “Бодлын үзүүр” сэдэвт уулзалтыг зохион байгуулах гэж байна. Уулзалтаар “Үр Жимстэй Гэр Бүл” ТББ-ын тэргүүн, “Эрхэмсэг эмэгтэй” клубийг үүсгэн байгуулагч, Гэр бүл судлаач Ч.Ундраа “Эрхэмсэг эмэгтэй” лекцээ хүргэнэ. Суралцаж ярилцаж, тоглож нөхөрлөх цагийг хамтдаа өнгөрүүлээрэй. Уулзалт 4 сарын 21-нд Гэр бүлийн радиогийн байранд 14.00 цагаас болно. 461212 дугаарын утсаар дэлгэрэнгүй мэдээллийг аваарай.

Өдөрт 300 гаруй оюутан номын өргөөгөөр үйлчлүүлж байна

Монгол түмнийхээ бичиг соёлын гайхамшигт өвийг хадгалж хамгаалан, түгээн дэлгэрүүлж ирсэн Монгол улсын үндэсний номын сан түүхэндээ Судар бичгийн хүрээлэнгээс эхлэн Улсын номын сан, Улсын нийтийн номын сан, улсын төв номын сан, Үндэсний номын сан нэрээр үйл ажиллагаагаа явуулж иржээ. 1921 онд Монгол улсад бүх нийтэд үйлчлэх анхны орчин үеийн номын сан үүдээ нээж, 96 жилийн хугацаанд нийтийн болон төрөлжсөн номын сангууд олноороо байгуулагджээ. Өнөөдөр тус номын сангаар жилдээ 50 мянга гаруй хүн үйлчлүүлж байна. Өдөр бүр 300 оюутан залуучууд 30 гаруй эрдэмтэн судлаачид байнгын уншигчид нь болжээ. Үндэсний номын сан нь дөрвөн уншлагын танхимтай. Уншигчид өөрсдийн номоо авчран уншиж судлах танхимыг шинээр нээсэн нь уншигчдын талархлыг хүлээгээд байна. Өдөр бүр уншлагын танхимууд уншигчдаар дүүрэн байгаа нь номонд хайртай хүмүүс их байгааг харуулж байгаа юм. Харин улс орны эдийн засгийн хямралтай холбоотойгоор ном баяжуулалт шинээр худалдан авах номын тоо буурсан гэнэ. Ямартай ч үндэсний номын сангийнхан ард иргэддээ мэдлэг мэдээллийг түгээх үйлсэд хувь нэмрээ оруулан ажиллаж байна.

3r9n1e2f9jerk4slp9cjk1ksgk

Таны хүүхэд өдрийн хоолныхоо 80 хувийг цэцэрлэгээсээ авдаг

Хүүхэд хоногт идэх хоолныхоо 75-80 хувийг цэцэрлэгт, үлдсэн эрдэс бодис, шим тэжээлийг гэрийнхээ хоолноос авдаг байна. Хүүхэд өдрийн 9 цагийг цэцэрлэг дээрээ өнгөрөөдөг. Энэ хугацаанд хангалттай хооллож байх ёстой. Ялангуяа эрс тэс уур амьсгалтай манай оронд хоолны хэмжээ багасвал хүүхэд уургийн дутагдалд орох магадлалтай гэнэ. Өмнө нь цэцэрлэгийн хүүхдийн хоолны 41 хувийг төр, үлдсэнийг нь эцэг эх хариуцдаг байсан. Харин 2009 оноос энэ байдлыг өөрчилж төрөөс хоолны мөнгийг 100 хувь хариуцдаг болсон. Өндөр хөгжилтэй улс орнууд хүүхдийнхээ хооллолтын асуудалд онцгойлон анхаарч төсөв хөрөнгөө хангалттай зарцуулдаг байна. Цэцэрлэгийн хүүхдийн хоолны мөнгө бага учраас тохирсон хоол хүнснээс шаардлагатай илчлэг, уураг, амин дэм, шим тэжээлээ авч чадахгүй байна. Тиймээс эцэг эхчүүд хүүхдийнхээ ирээдүйн төлөө өдрийнх нь  хоолонд тодорхой хэмжээгээр мөнгө гаргадаг байх хэрэгтэй гэж үздэг байна.

Хүүхэд хүмүүсийн дунд л хүн болдог

Цагдаагийн байгууллагаас сарын хугацаатай хүүхэд хамгааллын арга хэмжээг зохион байгуулж байгаа. Учир нь хүүхэд бидний, эх орны ирээдүй. Гэтэл хүүхдүүд гэмт хэргийн хохирогч болох, хэрэгт холбогдох нь их байна. Энэ оны эхний 1 дүгээр улиралын байдлаар цагдаагийн байгууллагад 416 хүүхэд гэмт хэрэгт өртөж хохирсон болон насанд хүрээгүй хүнээс 140 гэмт хэрэг үйлдсэн талаар статистик мэдээнд бүртгэгдсэн байна. Арга хэмжээний үеэр алба, нэгж, нутаг дэвсгэр хариуцсан цагдаагийн байгууллагууд хүүхдийн эсрэг хүчирхийлэл, гэмт хэрэг, зөрчлийн шалтгаан нөхцөлийг арилгах, таслан зогсоох, илрүүлэлт, шийдвэрлэлтийг ахиулах, хараа хяналтгүй, гэмт хэрэг, зөрчилд өртөж болзошгүй хүүхдүүдийн судалгааг хийж, тэдэнд тусламж үйлчилгээ үзүүлэх, холбон зуучлах зэрэг ажлуудыг  улсын хэмжээнд зохион байгуулан ажиллаж байна.

61263
түймэр-1

Задгай түймрээс сэрэмжлээрэй

Сүүлийн үед иргэд хашааны шар өвсөө шатааж байгаад гал алдаж орон гэргүй болох тохиолдол гарсаар байна. Иймд  Онцгой байдлын газраас иргэдийг хаврын хуурайшилтын энэ үед галын аюулгүй байдлаа сайтар хангаж, анхаарал болгоомжтой байж, хашааны өвсөө шатаахгүй байх, ил гал гаргахгүй, цогтой үнс нурмыг тусгай зориулалтын тагтай төмөр саванд хийх, бага насны хүүхдийг харгалзах хүнгүйгээр орхихгүй байхыг онцгойлон сэрэмжлүүлж байна. Мөн хашааны өвсөө шатаавал өвч ногоон ургадаг гэж эндүү бодон шатаах тохиолдол гардаг байна. Ингэснээр гал алдаж өөрсдөө болоод хажуу айлууд нь хохирох явдал байгааг сэрэмжлүүлж байна.

Хотоо хөгжүүлэхэд иргэн бүрийн оролцоо чухал

1960-аад онд БНСУ-ын ерөнхийлөгч Пак Жон Хый-гийн санаачлагаар үүсэн хөгжсөн Шинэ тосгон хөдөлгөөн нь барууны хөгжингүй орнуудын хурааж чадаагүй туршлагыг Солонгос хүний ухамсараас үндэслүүлэн ургуулжээ. Улмаар  Солонгосын уламжлалт үнэ цэнийг сэргээж, нийгмийнхээ дотоод нөөц бололцоог дээд зэргээр дайчлан улс орноо үгээгүй ядуугаас үсрэнгүй хөгжилт орон болгон хөгжүүлснийг дэлхий даяараа бахдан магтаж, тэдний арга туршлагаас суралцах гэсэн улс орны тоо жилээс жилд нэмэгдэж байна. Монголчууд бид Шинэ тосгон хөдөлгөөний энэхүү бүтээлч чадварын арга туршлагыг өөрийн орны өвөрмөц нөхцөл, малчин, тариаланч, төв суурингийнхаа иргэдийн хэв шинжид тохирсон аргаар хэрэгжүүлэхийг зорьж Шинэ тосгон холбоог байгуулаад хотоо хөгжүүлэхээр ажиллаж байна. Энэ хугацаанд орон нутгийн засаг захиргааны дэмжлэгтэйгээр баг, хорооны иргэд хашаа гудамжаа тохижуулах, худаг гаргах, нийтийн халуун усны газар барих, мод тарих гэх мэт олон төсөл орон даяар хэрэгжиж байна.

olloo_mn_1502445573_e29d5e69ee173fc5c63e60381760e8b3eac94ff2

Гадаад паспортыг дүүргээсээ авах боломжтой

Гадаад паспортыг зөвхөн Иргэний бүртгэлийн ерөнхий газраас олгодог байсан. Энэ нь нэг дор төвлөрүүлснээс болж иргэдэд хүндрэлтэй байсан. Олон хоног дараалал үүсгэж, паспорт нь удаж гардаг байсан. Энэ байдлыг зохицуулж гадаад паспортыг дүүргийн иргэний бүртгэлийн хэлтэст шилжүүлснээр иргэд удаан хүлээж дараалал үүсгэхгүй паспортоо захиалж авах боломжтой боллоо. Өмнө нь паспортыг сунгалт хийдэг байсныг болиулж 5 жилээр олгодог болсон байна. Гадаад паспорт захиалах хүмүүс харъяа дүүргийнхээ хэлтэст ирж захиалах боломжтой. Сүүлийн 6 сарын дотор авахуулсан зурагаа зөвхөн толгойн хэсэг нь 90 хувь гарсан байх ёстой юм байна. Мөн гоо сайхны мэс засалд орсон бол харьцуулсан зургаа авчрах ажээ. Энгийн бол 32500, яаралтай бол 3 хоногийн дотор 10 мянгын нэмэгдэлтэй гарна.

Урлаг таны хүүхдийн хүмүүжилд нөлөөлнө

Өнөөгийн нийгэмд урлаг, түүн дотроо хөгжмийн урлагийн гүйцэтгэх үүрэг маш өндөрт тавигдаж байгаа нь нийгэмд хүн өөрийн байр сууриа зөв эзлэх, хүн болохын ухааныг ойлгох, соёлт хүн болон төлөвших хамгийн энгийн бөгөөд шаардлагатай хэрэгцээтэй холбоотой уялдан гарч ирж байна. Хүүхдүүдийг  урлагт дуртай болгох, урлагаар дамжуулж өөрийн гоо сайхны таашаалыг дээшлүүлэх, урлагийн бүтээлийг ойлгох, хүндлэх, хайрлах зэрэг төлөвшлүүдийг олгоход чиглэгдэх нь хамгийн чухал. Ихэнх эцэг эхчүүд хүүхдүүдээ хөгжимчин болгохгүй юмаа гэхэд хөгжмийг мэдэрч зөв хүн болон төлөвшнө гэж дугуйланд явуулдаг. Энэ таны хүүхдийг хүмүүжүүлж бас их ухаарлыг өгдөг байна. Тухайлбал МХО-ны дуулаачийн дугуйланд явж буй олон хүүхдээс зөвхөн 3 хүүхэд л мэргэжлийн дуучин болдог байна. Иймд эцэг эхчүүд миний хүүхэд урлагийн хүн болохгүй юм чинь гэж бодолгүй урлагаар дамжин таны хүүхэд хүмүүжил төлөвшлийг олж авна гэдгийг ойлгох нь чухал ажээ.

4qn53c9rmoul2emj7fugn6h468
DHtvRfbUQAA6ZdA

Сонгодог жүжгийн өдрүүд үргэлжилж байна

Хүн төрөлхтний соёлын үнэт өв болсон театрын урлаг үүсэж хөгжин өнөөдрийг хүрэхдээ хэдэн мянган жилийг үджээ. “Театр” хийгээд театрын урлаг бүхий л цаг үеийнхээ туршид хүн төрөлхтний оюун санааны эх булаг болон оршин тогтнож амьдралын үнэ цэнэ, хүний мөн чанар, хөгжил дэвшлийн уриа цуурай, үнэн мөн, сайн сайхны мөнхийн дуулал болсоор байдаг. Улсын драмын эрдмийн театраас үзэгчиддээ зориулан шинэ уран бүтээлүүдээр бэлэг барьж байдаг. Энэ сард сонгодог жүжгийн өдрүүд үргэлжилж байна. Энэ сарын 14,15 нд У.Шекспирын “Гамлет”, 20-нд төрийн шагналт найруулагч Наранбаатарын найруулсан “Нэргүй од” инээдмийн жүжиг, 21 нд У.Шекспирын “Ромео Жульетта” , 27 нд Л.Толстойн “Адууны түүх” жүжгүүд эзэгчдэд хүрнэ.

Хийжүүлсэн ундааг хамгийн их худалдан авч байна

 Сургуулийн ойр орчимд худалдаалж болохгүй хүнсний бүтээгдэхүүний жагсаалт байдаг байна. Үүнд хагас боловсруулсан түргэн муудах бүтээгдэхүүн, шарсан хуурсан хоол хүнс, хийжүүлсэн ундаа, майонезтай бүтээгдэхүүнүүд ордог байна. Гэвч энэ нь хэрэгжихгүй хүүхдүүд худалдан авалт хийж эрүүл мэндээрээ хохирсоор л байна. Сурагчдын сургууль болон сургууль орчмоос ихэвчлэн худалдан авдаг газар, хүнсний бүтээгдэхүүний нэр төрөлд НЭМҮТ-өөс судалгаа хийсэн байна. Судалгаагаар сурагчдын хамгийн их худалдаж авдаг хүнсний бүтээгдэхүүнээр жүүс, хийжүүлсэн ундаа тэргүүлж 66 хувийг эзэлсэн байна. Хамгийн их хэрэглэдэг хүнсэнд  пирошки, зайрмаг, чихэр, ороомог, мантуун бууз, чипс оржээ. Эдгээрийг авч үзвэл ихэнх нь хүүхэд хэрэглэхэд тохиромжгүй сургуулийн ойр худалдаалахад хориотой бүтээгдэхүүнүүд байна. Сурагчдаас хүнсний бүтээгдэхүүнийг ихэвчлэн хаанаас худалдан авдаг талаар тодруулахад сургуулийн доторхи цайны газар, буфетээс худалдан авдаг байна. Иймд эцэг эхчүүд хүүхдийнхээ эрүүл мэндэд анхаарч хоол хүнсэнд нь анхаарах хэрэгтэй юм.

hqdefault

Виза карт ашиглан үйлдэгдэж буй гэмт хэрэг өсөх хандлагатай байна

Цагдаагийн байгууллагад гадаадын иргэн аж ахуй нэгжийн хуурамж вэб хуудас, дотоодын болон олон улсын хуурамч төлбөрийн картуудыг ашиглан залилан хийх гэмт хэрэг нэмэгдэх хандагатай байна. Энэ төрлийн залилан мэхлэх гэмт хэрэг 2015 онд 6 холбогдогчтой, 2016 онд 9 холбогдогчтой байсан бол 2017 онд 38 холбогдогчтой болж өсчээ. Төлбөрийн хэрэгсэл ашиглан үйлдэгдэж буй залилан мэхлэх гэмт хэргийн хохирогч болохгүйн тулд дараах зүйлийг анхаарах хэрэгтэй юм. Иргэн та өөрийн картаар төлбөр гүйлгээ хийхдээ сонор сэрэмжтэй байж гүйлгээ бүртээ хяналт тавих, бусдад өөрийн картыг шилжүүлж гүйлгээ хийлгэхгүй байх, карт, төлбөрийн хэрэгслийн мэдээлэл, пин кодыг бусдад задруулахгүй байх хэрэгтэй юм.

Болзооны хүчингээс охид сэрэмжлэх хэрэгтэй

Хүчингийн гэмт хэрэг нь охид, эмэгтэйчүүдийн амьдралын бүх үе шатанд тохиолддог бөгөөд хүчирхийлэл үйлдэгч нь хохирогчийг өөрийн эрх мэдэл, хяналтандаа байлгадаг учир хэзээ, хаана, ямар үйлдэл хийхээ төлөвлөсөн байдаг аж. Энэ төрлийн гэмт хэрэгт ураг төрлийн хүчин, болзооны хүчин, гэрлэгсдийн хүчин, таньдаг болон, үл таних хүний зүгээс үйлдэгдэх хүчин орно. Энэ нь хүний аюулгүй, халдашгүй дархан байх эрхэд халдсан эрх мэдлийн гэмт хэрэг юм.Ялангуяа өсвөр насны охид цахим орчноор танилцсан хүмүүстэйгээ анхны болзоонд явж эрсдэлд орох нь их байна. Ялангуяа өсвөр насны охид цахимаар танилцсан нэгэнтэй уулзах гэж анхны болзоонд явдаг. Ингэснээр ямар нэгэн хүчирхийлэлд өртөх эрсдэл бий болдог. Иймд эцэг эхчүүд хүүхдүүддээ тавих хараа хяналтаа сайжруулж, танихгүй хэн нэгэнтэй уулзаж болзохгүй байхыг анхааруулж байна.

763
-05082014-1407208288-36009052-give_blood

Цусаа хандивлах иргэдийн хандлага нэмэгджээ

 2014 оноос эхлэн сар бүрийн 3-ны  өдрийг Монгол улс донорын өдөр болгон албан ёсоор тэмдэглэж байхаар болсон. Цус сэлбэлт судлалын үндэсний төвөөс донорын аян өрнүүлснээр иргэдийн цусаа хандивлах ажил идэвхтэй өрнөжээ. Үүний үр дүнд жил бүр   цус сийвэнгээ хандивлах иргэдийн идэвх сайжирсан байна.Ялангуяа цусаа хандивлах аянд албан байгууллага, хувь хүмүүс илүү хамрагддаг болжээ. Цусаа өгөх хүмүүст тавигдах нийтлэг шаардлага нь 17-60 насны ямар ч бүлгийн цустай, эрүүл хүмүүс хамрагдаж болно. Таны өгсөн цусыг нарийн шинжилгээнд оруулсны дараа цусны хэрэгцээтэй хүмүүст нь өгч алтан амийг нь авардаг байна. Шинжилгээгээр таныг донор болж давтан цусаа өгөх үү гэдгийг  тогтоодог.  Цусны нөөц  байнгын хэрэгцээтэй байдаг тул та цусаа өгөөрэй.  Таны өгсөн цус гурван хүний  амийг аврах болно.

НАСАНД ХҮРЭЭГҮЙ ХҮҮХДИЙГ ГЭМТ ХЭРЭГ, ГЭР БҮЛИЙН ХҮЧИРХИЙЛЛЭЭС ХАМГААЛАХ АЖЛЫГ ЭРЧИМЖҮҮЛНЭ

“Хүүхэд хамгаалал” нэгдсэн арга хэмжээ эхэлсэнтэй холбогдуулан Хан-Уул дүүрэг Цагдаагийн 1 дүгээр хэлтсээс санаачлан тус дүүргийн Засаг даргын тамгын газар, Цагдаагийн 2 дугаар хэлтэс, дүүргийн Боловсролын хэлтэс, Гэр бүл, хүүхэд залуучуудын хөгжлийн хэлтэс, “Айзароне” ХХК, Нийслэлийн цагдаагийн газрын урьдчилан сэргийлэх хэлтэс, Хүүхдийг гэмт хэргээс урьдчилан сэргийлэх хэлтсүүд хамтран “Насанд хүрээгүй хүүхдийг гэмт хэрэг, зөрчил, халдлага, гэр бүлийн хүчирхийллээс хамгаалах ажлыг эрчимжүүлэх” өдөрлөгийг зохион байгууллаа. Тус өдөрлөг Хан-Уул дүүргийн нутаг дэвсгэрт үйл ажиллагаа явуулдаг ерөнхий боловсролын сургууль, Мэргэжлийн сургалт үйлдвэрлэлийн төвийн сурагчдын эцэг, эх, багш, сурган хүмүүжүүлэгч нийт 5000 гаруй иргэд оролцсон юм. Арга хэмжээг Хан-Уул дүүргийн Засаг дарга Ж.Алдаржавхлан нээсэн бөгөөд “Гэр бүлийн үнэ цэнэ”, “Өсвөр насны хүүхдийн сэтгэл зүйн онцлог”, “Гэр бүлийн хүчирхийлэл”, “Интернет, цахим тоглоомын зүй бус хэрэглээ, анхаарах асуудал, эцэг, эх, багш, сурган хүмүүжүүлэгчдийн оролцоо”, “Цахлай төслийн танилцуулга” зэрэг сэдвүүдээр мэдээлэл өгч, эцэг, эх, багш, сурган хүмүүжүүлэгчдээс “Хүүхдийг хүчирхийллээс ангид байлгах” талаар уриалга гаргасан байна.

9f37a96c88f3fd6fbig

Орчноо аюулгүй байлгахад өөрсдөөсөө эхэлье

Монгол Улсад гэмт хэргээс урьдчилан сэргийлэх ажлыг зохицуулах зөвлөл, Нийслэлийн Иргэдийн Төлөөлөгчдийн хурал, Нийслэлийн цагдаагийн газраас хамтран нийслэл хотод үйлдэгдэж буй гэмт хэргийн шалтгаан нөхцөлийг арилгах ажлын хүрээнд “Камержуулалт-2” аян эхлүүлсэн. Өнгөрсөн жилийн анхны уралдаанд иргэд аж ахуй нэгж байгууллагууд идэвх санаачилгатай оролцжээ. Тухайлбал хувь хүн өөрийн байрны гадна сүүлийн үеийн өндөр хүчин чадалтай камерыг байрлуулж амжилттай оролцжээ. Өнгөрсөн онд зохион байгуулсан “Камержуулалт-2” болзолт уралдаанд нийслэлийн 152 хороо, 270 гаруй сууц өмчлөгчдийн холбоо, хөршийн хяналтын бүлэг, иргэд идэвхтэй оролцож гэмт хэрэг, зөрчил ихээр үйлдэгддэг эмзэг цэгүүдэд 534.0 сая төгрөгийн 2211 камер шинээр суурилуулжээ. Энэ удаагийн болзолт уралдаанд дүүрэг, хороо, сууц өмчлөгчдийн холбоо, хөршийн хяналтын бүлэг, иргэдээс гадна аж ахуйн нэгж байгууллага оролцох боломжтойгоороо онцлог юм. 

27b64781f759416c81c289ff920b00d6

Том оврын шилмүүст моддыг угааж эхэллээ

Том оврын шилмүүст модны хаврын цэнэг усалгааг  эхлүүлээд байна.  Мэргэжлийн 8 байгууллага хотын Ерөнхий менежерийн баталсан хуваарийн дагуу гүйцэтгэж байна. Хотын төвийн гудамжуудын  модонд хэлбэржүүлэлт, залуужуулах огтлол болон шохойдох ажил хийгдэж байна.  Мөн нийт 1100 модыг шохойдож, 710 модонд хэлбэржүүлэлт хийгээд байна. Хаврын цэнэг усалгаа 04 сарын 15-нд дуусч хөрсний чийгшлээс хамаарсан байнгын усалгаа хуваарийн дагуу тогтмол үргэлжлэх юм. Улаанбаатар хотын Захирагчийн ажлын албанаас  2016, 2017 онуудад  хотын ногоон байгууламжийг нэмэгдүүлэх, нягтралыг сайжруулах зорилгоор 4083 ш том оврын шилмүүст модыг шилжүүлэн тарьсан бөгөөд арчилгааг агротехнологийн дагуу хийснээр 99,6%-ийн ургалттай байна.

Их хотын цэвэрлэгээ 90 минутанд нэгдэхийг уриалж байна

Нийслэлийн Засаг даргын захирамжаар “Их цэвэрлэгээний 90 минут” хаврын бүх нийтийн их цэвэрлэгээг энэ сарын 14-ний өдрийн 11 цагт зохион байгуулах гэж байна. Цэвэрлэгээг нэгэн зэрэг нийслэл даяар 11 цагт эхлүүлэх ажээ. Энэхүү үйл ажиллагаанд төрийн болон хувийн хэвшлийн байгууллага, аж ахуйн нэгж, иргэд 90 минутын турш орчныхоо хог хаягдлыг цэвэрлэж, өөрийн байгууллагын хана, фасад, цонх хаяг, хаягийн байгууламж, сандал, хогийн сав, үүд довжоогоо угааж, гадна талбайгаа чийгшүүлэх юм байна. Та өдрийн турш цэвэрлэгээ хийж өнжихгүй. Зөвхөн 90 минут л зарцуулахаад хотоо, хороогоо, гудамж талбайгаа, гэр орноо цэвэр цэмцгэр болгох юм. Иймд иргэн бүр энэхүү их цэвэрлэгээний 90 минутанд нэгдэж идэвхитэй оролцохыг уриалж байна.

9c3e44e824943b0acc3c703c69e5aa9eoriginal

Хаврын улиралд дархлаагаа дэмжээрэй

Сургууль, цэцэрлэгийн насны хүүхдүүдийн хувьд дархлаа хэвийн байхын тулд нойр, хоол, орчны олон янз байдал нөлөөлдөг талаар мэргэжлийн эмч нар зөвлөдөг. Дархлаа нь заавал бага насны гэлтгүй хүн болгонд байх ёстой. Энэ нь бие организм гадаад орчноос өөрийгөө хамгаалахын тулд дасан зохицох урвалыг хэлж байгаа юм. Хүүхдийн дархлаа буруу хооллолтын үед, тухайлбал нярай хүүхдийг хөхөөр хооллоогүйгээс болж дархлаа нь мууддаг. Эсвэл хүүхэд ханиад томуу, суулгалт, харшил зэрэг ямар нэг өвчин туссаны дараа дархлаа нь суларна. Үүнээс гадна гадаад орчин, ахуйн нөхцөл, хүүхдийн асаргаа сувилгаа, эцэг эхчүүд хүүхдээ хэрхэн хооллох зэрэг хүүхдэд үзүүлж байгаа янз бүрийн орчны нөхцөл байдал хүүхдийн дархлаанд нөлөөлж байдаг байна. Сургууль, цэцэрлэгийн насны хүүхдийг тухайлбал зуны улиралд чийрэгжүүлэх нь хамгийн чухал. Энэ насны хүүхдийн бие бялдрыг чийрэгжүүлэхийн тулд цэвэр агаарт байлгах, хоол хүнсэндээ анхаарах, сайн унтуулж амрааж ядраахгүй байх хэрэгтэй юм. Мөн энгийн зөв дадал хэвшлийг баримталбал заавал зориудаар эм тариа хэрэглэх шаардлагагүйгээр, бие организмд өөрийгөө хамгаалах бүхэл бүтэн том систем ажилладаг учраас өөрөө дархлаагаа сэргээж байдаг байна.

“ГЭР БҮЛИЙН ХҮЧИРХИЙЛЭЛТЭЙ ТЭМЦЭХЭД ОЛОН ТАЛТ ХАМТЫН АЖИЛЛАГАА” ҮНДЭСНИЙ ЧУУЛГАН боллоо

Жендэрт суурилсан хүчирхийлэл Ази, Номхон далайн бүс, Монгол улсад охид, эмэгтэйчүүдийн эрүүл мэнд, нийгэм, эдийн засгийн чадавхид ихээхэн сөрөг үр дагавар учруулсан нийгмийн эрүүл мэнд, хүний эрхийн ихээхэн санаа зовоосон асуудал хэвээр байна. Хүчирхийлэл нь нийгэмд эдийн засгийн ихээхэн хохирол учруулж, тогтвортой хөгжилд саад учруулж байна. 2030 он хүртэл хэрэгжүүлэх тогтвортой хөгжлийн зорилтууд дотор охид, эмэгтэйчүүдийн эсрэг хүчирхийллийг таслан зогсоож, жендэрийн тэгш байдлыг хангах явдлыг бүхэл бүтэн бие даасан нэг зорилт болгон баталсан юм.
Үйлчилгээ үзүүлэгчид бол гэр бүлийн хүчирхийлэлд өртөгсдийг дэмжих тэргүүн фронтод ажиллаж байгаа хүмүүс. Иймд “Гэр бүлийн хүчирхийлэлтэй тэмцэхэд олон талт хамтын ажиллагаа” үндэсний чуулганаар бүх салбарын үйлчилгээ үзүүлэгч нар хуран цуглаж, Гэр бүлийн хүчирхийлэлтэй тэмцэх тухай хуулийг хэрэгжүүлэхэд гарч буй амжилт, тулгарч буй бэрхшээл сургамжуудыг хэлэлцлээ. Ингэхдээ эрүүл мэнд, аюулгүй байдлын хамгаалал, хууль зүй, нийгмийн хамгааллын салбарууд өөр хоорондоо туршлага солилцож, өнгөрсөн жил Гэр бүлийн хүчирхийлэлтэй тэмцэх тухай хуулийг хэрэгжүүлэхэд гарсан сургамжуудыг хэлэлцэж, салбар дундын хамтын ажиллагааг цаашид хэрхэн бэхжүүлэх талаар ярилцлаа.

8f4728201a40226d96f38d3742800a22

Охидын аппликейшнтэй болно

Дэлхийн эрүүл мэндийн байгууллагын тодорхойлсноор 10-19 насыг өсвөр нас гэж тодорхойлдог. Энэ насанд бие бялдар, сэтгэл санааны нийгмийн маш олон өөрчлөлттэй тулгардаг. Сарын тэмдэг ирэх нь охид эмэгтэйчүүдийн бие мах бодид явагдах физиологийн хэвийн үйл явц бөгөөд нөхөн үржихүйн үйл ажиллагаанд чухал үүрэгтэй. Иймээс сарын тэмдэгийн эрүүл ахуйг сахих нь хүн бүрийн мэдвэл зохих, мөрдөх шаардлагатай асуудал юм. Энэ бүх асуултанд хариулж охидод туслах аппликейшн нээгджээ. Өсвөр насны охид анх сарын тэмдэг ирсэн үед айж сандарч, хэн нэгэнд хэлэхээсээ санаа зовдог. Иймд үед энэхүү аппликейшн нь охидод туслах найз нь болох ажээ.

Гэр бүлийнхээ эрүүл мэндэд анхааръя

Урин дулааны улирал ирж хүмүүс зусландаа гарах болж байгаа.  Зөвхөн зуслан гэлтгүй гэр хорооллынхон ч ая тохитой амьдрах боломж байна.  Яг энэ үед ялаа батгана, жорлон, муу усны нүхний асуудал гардаг. Ингэснээр гэдэсний төрөл бүрийн халдварт өвчний улирал ч эхэлдэг. Эдгээр нь уялдаа холбоотойгоос тэр. Ил жорлон, муу усны нүх дээрх ялаа, батганы амьдрах орчин, идэх хоол болдгоос аюултай юм. Иймд гэр хорооллын оо-ыг ариутгах бодисыг айл өрх бүр хэрэглэж хэвших нь чухал юм. Хөгжилтэй орнууд ариутгалын бодисыг угаалгын нунтаг саван шигээ байнгын хэрэглээ болгож ашигладаг байна. Энэхүү ариутгалын бодисууд нь төрөл бүрийн хэмжээтэйгээр борлуулагдаж байдаг байна. Гэрийн эзэгтэй та гэр бүл, үр хүүхдийнхээ эрүүл мэндийн төлөө ариутгалын бодисыг хэрэглэж хэвших нь чухал юм. Зуны улирал ирж, таны хүүхэд хашаандаа тоглох үедээ эрүүл аюулгүй орчинд байх учиртай билээ. Жорлон, муу усны нүхэн дэх ялзмаг, бохирыг бүрэн ариутгаж, зургаан төрлийн бичил биетнийг устгаж үнэр, танарыг нь нэг мөсөн дардаг онцлогтойг мэргэжилтэнүүд хэлж байна.

eb1a7bc7f585b7cf3526135fef4d7845

100 хувь А үнэлгээ авснаар хүүхдээ дүгнэж болохгүй

Ихэнх эцэг эхчүүд хүүхдүүдээ өндөр IQ-тай хүн, эсвэл мундаг бизнесмэн, алдартай тамирчин болгоно гэж боддог. Мөн сургуульд орсон цагаас нь эхлэн онц сурах ёстой, дандаа онц дүн авч бай гэж шахаж шаарддаг. Гэтэл зөвхөн онц сураснаараа таны хүүхэд төгс сайн хүн болохгүй гэдгийг мэдэх нь чухал юм. Хэдий хичээл ном чухал байр суурь эзлэх хэдий ч хүүхдээ хүмүүжилтэй нэгэн болгож төлөвшүүлэх нь олон зүйлээс шалтгаалах ажээ. Та хүүхдээ онц сургахаас гадна бусдыг хайрлаж хүндэлдэг, бусдад тусалдаг энэрэнгүй сэтгэлтэй хүн болгож төлөвшүүлэх нь чухал юм. Таны хүүхэд онц сурдаг хэдий ч бусдыг дээрэлхдэг нэгэн байх ёсгүй юм. Хамгийн энгийн арга бол гэр бүлийн орчин, аав ээжийн хоорондын харилцаа хамгийн их нөлөөлнө.

“ХҮНИЙ ЭРХИЙН ХАМГААЛАГЧ” СУРГАЛТ боллоо

Сургалтын зорилго нь оролцогчдод хүний эрх хамгаалагч гэж хэн болох, хүний эрхийг хамгаалах эрх тэднийг хамгаалдаг механизмын талаар мэдлэг, ойлголтыг нэмэгдүүлэх, хэвлэл мэдээллийн хэрэгслээр дамжуулан сурталчлахад дэмжлэг үзүүлэх, хүний эрхийн хамгааллагч нарт айх айдасгүйгээр үйл ажиллагаагаа явуулах хууль эрх зүйн орчин шаардлагатай байгааг таниулахад чиглэгдэж байгаа ажээ. Сургалтанд Монголын ХЭҮК-ын дэргэдэх хүний эрхийн төлөө сэтгүүлчид клуб, Монголын Эмнести интернэншлийн сэтгүүлчдийн бүлгийн сэтгүүлчид оролцож байна. Сургалтаас хүлээгдэж байгаа үр дүн нь хүний эрхийн хамгаалгчдыг хүлээн зөвшөөрч, тэдний үйлсийг түгээн сурталчилах, эрсдэлд байгаа хүний эрхийн хамгаалагчдыг чадавхижуулах юм байна. Мөн эрсдэлд байгаа хүний эрхийн хамгаалагчийн дэмжлэг үзүүлэх эрх зүйн орчныг бий болгоход сэтгүүлчдийн хувь нэмрийг оруулах ажээ.

61263

Иргэдийн мэдээлэх үүрэг нэмэгджээ

Цагдаагийн байгууллагад оны эхний 3 сарын байдлаар 140 гаруй мянган дуудлага, мэдээлэл бүртгэгдсэнээс гэр бүлийн хүчирхийллийн 24 мянган дуудлага мэдээлэл бүртгэгджээ. Энэ нь нийт дуудлагын 17,2 хувийг эзэлж байна. Гэр бүлийн хүчирхийллийн дуудлага, мэдээллийн сангаас хохирогчид үзүүлсэн тусламж үйлчилгээний төрлийг ангилж үзэхэд нэг цэгийн үйлчилгээний төвд хүргэж өгсөн 128, түр хамгаалах байранд хүргэж өгсөн 36, 1300 гаруй хүнийг ойр дотнын хүний хамгаалалтад хүргэж өгсөн байна. Гэр бүлийн хүчирхийллийн тухай дуудлага мэдээлэл иргэдээс ирэх нь нэмэгдсэн байна. Энэ нь иргэд хүчирхийллийн хажуугаар дуугуй өнгөрөхгүй болсныг харуулж байгаа юм. Улсын хэмжээнд оны эхний 1-р улиралд 10 мянга гэмт хэрэг бүртгэгдсэн нь өмнөх оны мөн үеэс 56,5 хувиар өсч, гэр бүлийн хүчирхийллийн улмаас үйлдэгдсэн гэмт хэрэг 306 бүртгэгдэж, өмнөх оны мөн үеэс 83 хэргээр буюу 21,3 хувиар буурсан байна.

Хан Хэнтийн хүүхдүүдийн “Уран бийр” үзэсгэлэн” нийслэлчүүдэд хүрлээ

Хэнтийн аймгийн улсын тэргүүний 4-р цэцэрлэг болоод Өмнөдэлгэр сумын 14-р цэцэрлэгүүд хамтран багш хүүхдүүдийн хамтарсан бүтээлээр үзэсгэлэн гаргаж, нийслэлчүүддээ толилуулж байна. Тус цэцэрлэг нь 2015 онд бүх болзолыг хангаж улсын тэргүүний гэх өргөмжлөлийг хүртжээ. Нийт 190 гаруй хүүхдийн 400 гаруй бүтээлийг толилуулж байна. Хүүхдийнхээ авъяасыг улс болоод орон нутагтаа таниулж, эко цэцэрлэг болсон нь улсын тэргүүний цэцэрлэг болгожээ. Багш хүүхдүүдийн бүтээлийн үзэсгэлэн олны анхаарлыг татаж байлаа.

04065

ОХУ-ын Чита хотын драмын театр Монголд

Чита хотын театр нь 78 жилийн түүхтэй. Тус театрын урын санд Оросын болон гадаадын сонгодог хийгээд орчин үеийн жүжгүүд эн тэнцүүхэн байр суурь эзэлдэг. 1987 оноос эхлэн Е.Золотарев найруулагчийн удирдлага дор хүүхдэд зориулсан тоглолтууд хийж, эдгээр нь уламжлагдан баяжигдсаар өнөөг хүрчээ. Энэ удаагийн айлчлан тоглолт үүний нэгэн илэрхийлэл ажээ. УДЭТ-т тоглогдох гэж буй “Оросын гайхамшиг” жүжиг нь оросын зохиолч Н.С.Лесковын 1881 онд бичсэн “Солгой” хэмээх туужаас сэдэвлэн орчин үеийн мюзикл хэлбэрээр хийсэн байна. Мөн бяцхан үзэгчдэдээ зориулан “Алладины шидэт дэнлүү” үлгэрийн жүжиг тоглогдоно. Оросын театрын уран бүтээлчдийн тоглолт энэ сарын 9,10 нд 19 цагаас УДЭТ-ын тайзнаа тоглогдож үзэгчдэд хүрнэ. Харин хүүхдийн жүжиг нь маргааш 11,15 цагт тоглогдох  ажээ.

Номын гайхамшиг таны хүүхдийг төлөвшүүлнэ

Өнөөгийн хүүхэд залуус ном уншихгүй байна гэж ахмадууд зэмлэдэг ч номын дэлгүүрээр худалдан авалт хийхээр дугаарлан зогсох олныг хараад тэдний бодол өөрчлөгддөг.Хүүхдүүдээ хэрхэн ном уншуулж сургахуу, яаж номонд дуртай болгох вэ гэж олон эцэг эхчүүд асуудаг. Хичээлээ хий ном унш гэж байнга үглэхгүйгээр багаас нь номтой нөхөрлүүлж номын сайн нөхөр болгох талаар мэргэжлийн хүмүүс хэлж байна.Зөвхөн сургуульд орж уншиж чаддаг болсон үед нь номын санд дагуулан ирнэ гэж битгий бодоорой. Номын санруу хүүхдүүдээ дагуулан ирж ном  уншуулахын зэрэгцээ хүүхдүүддээ аав ээжүүд өөрсдөө ном уншиж үлгэрлэн үзүүлэх нь чухал. Та гэртээ байнга ном уншиж номтой  нөхөрлөснөөр таны хүүхэд номонд хайртай болно. Хүүхдүүдээ номын санд дагуулан ирж номтой нөхөрлүүлдэг аав ээжүүдийн тоо нэмэгдэж байгаа нь сайшаалтай байна гэдгийг номын санчид хэлж байлаа.

content_zamteewer0325

Замын хөдөлгөөний дүрмийг хүүхдүүддээ ойлгуулж байна

Замын хөдөлгөөнд соёлтой зөв оролцож сурах талаарх мэдлэгийг  хүүхдүүдэд багаас нь зааж сургах нь чухал байдаг. Тухайлбал нийслэлийн замын цагдаагийн газраас ерөнхий боловсролын сургууль болон цэцэрлэгүүдэд замын хөдөлгөөнд хэрхэн аюулгүй оролцох талаар сургалтыг тогтмол явуулдаг. Цэцэрлэгийн хүүхдүүдэд “ замын хөдөлгөөний цагаан толгой” “ Ногоон гэрэл цагаан шугам” “ Гэрэлт бөмбөлөг” зэрэг арга хэмжээг зохион байгуулдаг. Тэгвэл цэцэрлэгүүд хийх ажлын төлөвлөгөөндөө замын хөдөлгөөний талаар хүүхдүүдэд зааж сургаж хичээл сургалтаа явуулж байна.  БЗД-ийн 202-р цэцэрлэгээс энэ сард “Ногоон гэрэл цагаан шугам” арга хэмжээг зохион байгуулж хүүхдүүдэд замын хөдөлгөөний талаарх мэдлэгийг өгч байна. Зөвхөн багш нар сургах төдийгүй эцэг эхчүүд хүүхэддээ үлгэр дуурайлал үзүүлж, замын хөдөлгөөнд хэрхэн соёлтой зөв оролцох талаар зааж зөвлөж байх хэрэгтэй. Зам гарахдаа зөвхөн ногоон гэрэл асаж байхад  гарцаар гарах хэрэгтэйг хэлж өгснөөр таны хүүхэд аюулгүй замын хөдөлгөөнд оролцож чадна. Түүнчлэн тээврийн хэрэгслээр хүүхдээ аюулгүй тээвэрлэхийн тулд хамгаалах суудал бүсийг хэрэглэж хэвшүүлэхийг эцэг эхчүүддээ анхааруулж байна.

Хотоо цэвэр байлгахад иргэдийн ухамсар нөлөөлнө

Хотоо өнгө үзэмжтэй байлгахад иргэн, аж ахуйн нэгжийн оролцоо маш чухал. Хотыг цэвэрлэх нь хот тохижилтын газар хийдэг ажил гэсэн ойлголтоосоо салах хэрэгтэй. Нийслэлд ажил үйлчилгээ эрхэлж буй аж ахуйн нэгж байгууллага, оршин суугч иргэн бүхэн хотынхоо өнгө үзэмжийн төлөө өөрийнхөө амьдрах орчныг сайжруулахын тулд хөдөлмөрлөдөг байх хэрэгтэй. Иргэд “Би энд хог тарих ёстой хэн нэгэн хүн ирээд үүнийг цэвэрлэж байх ёстой” гэсэн сэтгэлгээгээр хандаж болохгүй. Нийслэлчүүдийн дунд эерэг хандлагыг бий болгох үүднээс мэдээлэл сурталчилгааны зүйлийг сайн хийж байгаа билээ. Харин хотоо цэвэрхэн байлгахад иргэдийн ухамсар хамгийн их нөлөөлнө. Иргэд ялангуяа хотын соёлыг нэвтрүүлэх, нийслэл хотод амьдрахын тулд ямар байх хэрэгтэй вэ гэдэг ухагдахууныг мэдсэн байх шаардлагатай юм. Иргэд гудамжинд шүлсээ, хогоо хаяхгүй байх энгийн зуршлыг өөртөө бий болгох нь зүйтэй юм. Энэ жилийн их цэвэрлэгээний ажилд бүх аж ахуйн нэгж байгууллага өөрийнхөө орчин тойрныг өнгө үзэмжтэй, хаяг аадарсыг солих, цонх хаалгаа угаах зэрэг энгийн зүйлээс эхэлж хамтран оролцох хэрэгтэй юм.

epa02099275 People walk on a crosswalk in Tokyo, Japan, 30 March 2010. The Japanese economy has been gradually recovering, and fears of a double dip have receded. But external demand can only do so much to right the economy. The question now is whether increased production can also boost employment and wages, which in turn would drive investment and consumer spending, Japanese financial newspaper Nikkei reported.  EPA/KIMIMASA MAYAMA

“Хүүхэд хамгаалал” арга хэмжээ хэрэгжиж байна

Цагдаагийн байгууллагаас “Хүүхэд хамгаалал” нэгдсэн арга хэмжээг нэг сарын хугацаатай хэрэгжүүлж эхлээд байна. Улсын хэмжээнд өнгөрсөн онд 32 мянган гэмт хэрэг бүртгэгджээ. Үүнээс насанд хүрээгүй хүнээс үйлдсэн 1000 орчим хэрэг байгаа нь нийт гэмт хэргийн 2,9 хувийг, хүүхэд өртөж хохирсон 1700 гаруй гэмт хэрэг бүртгэгдсэн нь нийт гэмт хэргийн 5,5 хувийг эзэлж байна. Харин энэ оны эхний 1-р улирлын байдлаар насанд хүрээгүй хүнээс үйлдэгдсэн нийт 140 гэмт  хэрэг бүртгэгдсэн байна. Мөн энэ хугацаанд 400 гаруй хүүхэд гэмт хэрэгт өртөж хохирсон байна. Хүүхдүүд эрх зүйн мэдлэг мэдээлэл хангалтгүйн улмаас гэмт хэрэг үйлдэх, гэмт хэрэгт өртөж хохирох явдал байсаар байгаа нь дээрх тоон үзүүлэлтээс харагдаж байгаа юм. Иймээс цагдаагийн байгууллагаас хүүхдийг гэмт хэрэг, зөрчлөөс урьдчилан сэргийлэх, гэмт хэргийн шалтгаан нөхцөлийг арилгах, гаралтыг саармагжуулах зорилгоор “Хүүхэд хамгаалал” нэгдсэн арга хэмжээг энэ сарын нэгнээс 5-р сарын 1 хүртэл сарын хугацаатай улсын хэмжээнд зохион байгуулж байна.

МОНГОЛЫН ХАМГИЙН АНХНЫ ХҮҮХДИЙН ДУУРЬ ТОГЛОГДЛОО

Энэ жил Монголын хүүхдийн ордон үүсэн байгуулагдсаны 60 жилийн түүхэн ой тохиож байна. Ойгоо угтаж олон ажил төлөвлөн хийж эхлээд байна. Эдгээрийн нэг нь Монголын Хүүхдийн хамгийн анхны дуурь“Аз жаргалын эрэлчин” бүтээл үзэгчдийн хүртээл болно. Тус дуурийг 57 жилийн дараа сэргээн тавьж байгаагаараа онцлог юм. Дуурь гэдэг нь дууны урлагийн дээд түвшин ажээ. Тус дуурийг  МХО-ны дууны багш Алтан-Уяа санаачлан орчин үеийн хэлбэрт оруулан найруулжээ. Тэрээр хүүхэд байхдаа тус дуурьт тоглож байсан байна.  “Аз жаргалын эрэлчин” дуурь нь хүүхдийн бүтээлд томоохон байр суурь эзлэх соёлын үнэт өв болж байгаа юм.  Хүүхэд бүр үзэх боломж нээгдэж, багачуудын мэлмийг баясгаж, оюунд хөрөнгө оруулалт хийж байна.Энэ бүтээлийн бүх дүрд зөвхөн хүүхдүүд орж бүтээн туурвина.  Мөн хүүхдийн ордны 120 гаруй сурагч, уран бүтээлч авъяаслаг хүүхэд багачуудын ур чадварын түвшинг тодотгон харуулсан ардын уламжлалт, сонгодог хэлбэрийн хүүхдийн томоохон бүтээл болж буйгаараа онцлог ажээ.

1a654cc1v2t6f6l2ntjqnhoclf

Жудаг нэвтрүүлэг өнөөдөр “Уухаа л болилдоо” сэдвээр хүрнэ

Гэр бүлийн радио нь “Монгол аав” төслийг 2 дахь жилдээ хэрэгжүүлж байна.Төслийн зорилго нь эр хүний сайн зан чанаруудыг урамшуулан бахархаж, үр хүүхдээ үлгэрлэн дагуулж хөтлөхөд оршиж байгаа юм.  Түүнчлэн  монгол эрчүүдэд урам өгч, амьдралынхаа асуудлыг эерэгээр шийдэж сурах ухааныг өгөх юм. Төслийн хүрээнд хүргэж буй томоохон нэвтрүүлэг нь “Жудаг” шууд нэвтрүүлэг юм. Баг бүр 4 өнцгөөс нь тодорхой сэдвээр хүргэж байгаа. Энэ сар архидалт хүчирхийлэл сэтгэл зүй сэдвээр хүрч байгаа. Энэ 7 хоногийн баг “Уухаал болилдоо” сэдвээр нэвтрүүлгээ хүргэнэ. Эрчүүдэд зориулсан “Жудаг” шууд нэвтрүүлэг баасан гариг бүрийн 17 цагаас шууд хүрдэг. Өнөөдөр 17 цагаас хүрэх  нэвтрүүлгээ хүлээн аван сонсоорой. Таны холбогдох утас 11-461045.

Хүүхдийн цүнхэнд түгшүүр зарлах цаг болжээ

Учир нь Бидний хэнэггүй байдлаас болж үр хүүхдүүд минь өвчтэй нэгэн болж байна. Эмнэлгүүдэд нуруу нь мурийсан, нэг мөр нь унжсан, хөдөлгөөн нь саарч, өсөлт нь зогссон, биеийн хэлбэр галбир нь алдагдсан, үргэлж газар ширтэж, бөгтийж явдаг олон хүүхэд хандаж байна. Жижигхэн бие нь яаж дааж байгаа юм бол гэмээр ахадсан том цүнхтэй хүүхдүүд ерөнхий боловсролын дунд сургуулиар холхиж байна. Хэн ч үүнийг анхаарч өнөөдрийг хүртэл ямар нэгэн дорвитой арга хэмжээ аваагүй. Гэтэл эцэг, эхчүүд үүнийг огт тоохгүйн дээр зарим нь мэдсэн ч мэдээгүй юм шиг өнгөрсөөр байгаа нь хамгийн их аюул дагуулж байгаа юм. Эцэг, эхчүүдийн хэнэггүй нь дэндсэн энэ байдлаас болж хэчнээн хүүхэд нурууны өвчтэй, өсөлт нь удааширч, тулгуур хөдөлгөөний систем болон биеийн галбирт асуудал үүсэж, хөлийн ул хавтгай болох, мөрний хэлбэр өөрчлөгдсөн байгааг хэлэх аргагүй болжээ. Учир нь, энэ анхаарал татсан асуудлыг эрүүл мэндэд үзүүлэх нөлөөг нягтлан судалсан судалгаа байхгүй байна. Эмч мэргэжилтнүүдийн хэлж байгаагаар хүүхэд цүнх, үүргэвчиндээ түүртэн байнга бөгтийж явбал хараа, зүрхний үйл ажиллагаа, дотоод эрхтнүүдийн үйл ажиллагаа алдагддаг гэнэ. Үүнээс болж хүүхдийн толгой өвдөж, ядарч, толгой нь эргэж, нуруу нь байнга өвддөг болж байгааг онцлон хэлж байна.

huuhedtsunkh27

Энэ сарын 14 нд нийтийн их цэвэрлэгээтэй

Улаанбаатар хотын Захирагчийн ажлын албанаас 2018 оны дөрөвдүгээр сарын 14-ний өдрийн 11:00 цагт “ИХ ХОТЫН ИХ ЦЭВЭРЛЭГЭЭНИЙ 90 МИНУТ” уриатайгаар бүх нийтийн их цэвэрлэгээг зохион байгуулахаар төлөвлөөд байна. Цэвэрлэгээг нэгэн зэрэг нийслэл даяар 11:00 цагт эхлүүлэх бөгөөд иргэд, ААН, байгууллагууд 90 минутын турш ойр орчмынхоо хог хаягдлыг цэвэрлэж, хана, фасад, цонх, хаяг, хаягийн байгууламж, сандал, хогийн сав, үүд довжоогоо угааж, гадна талбайгаа чийгшүүлэх юм. Их цэвэрлэгээний 90 минут 11:00 цагаас тоолж эхэлнэ. Энэ хугацаанд ААН, байгууллагуудыг үйл ажиллагаагаа түр зогсоож, хотоо цэвэрлэх ажилд нэгдэхийг уриалж байна. Мөн энэхүү 90 минутын хугацаанд замын хөдөлгөөнд оролцож байгаа жолооч нарыг их гэрлээ асааж, 11:00 цагт дуут дохиогоо гурван удаа өгч их цэвэрлэгээнд нэгдэхийг уриалж байна.

Барилгын ажил эхэлж буйтай холбогдуулан мэргэжлийн байгууллагаас сэрэмжлүүлж байна

Урин дуулан цаг болж барилгын ажил ид эхэлж байна. Хөдөлмөрийн аюулгүй байдлыг хангаагүйгээс болж гэмтэж бэртэх, цаашлаад амь насаа алдах эрсдэл бий болдог. Барилгын компаниуд ажилчдынхаа аюулгүй байдалд сайн анхаарч чадвал осол гарахгүй байх боломжтой. Хамгийн гол нь барилгын компаниуд мэргэжлийн хүмүүсийг авч ажиллуулах хэрэгтэйг онцолж байлаа. Ихэнхдээ барилгын компаниуд  бригадуудыг авч ажиллуулдаг. Энэ нь мэргэжлийн хүмүүс байдаггүйгээс эрсдэл учруулах нэг нөхцөл болдог байна. Иймд аль болох мэргэжлийн хүмүүсийг ажиллуулах хэрэгтэйг анхааруулж байна.

8f4728201a40226d96f38d3742800a22

Ирэх хичээлийн жилээс эрүүл мэндийн хичээл орно

БСШУСЯ-аас эрүүл мэндийн боловсролын агуулгыг 2018-2019 оны хичээлийн жилээс эхлэн бие даасан хичээлийн хэлбэрээр судалдаг болохоор шийдвэрлэсэн. Эрүүл мэндийн сургалтын хөтөлбөрийг шинэчлэх, сургалтын төлөвлөгөөнд тусгах санал боловсруулах ажлын хэсгийг байгуулсан. Хамтарсан ажлын хэсэгт БСШУСЯ, ЭМЯ, Боловсролын хүрээлэн, МУБИС, НЭМҮТ, ДЭМБ, НҮБ-ын хүн амын сан, НҮБ-ын хүүхдийн сан зэрэг байгууллагуудын төлөөлөл багтжээ. Ирэх хичээлийн жилээс эхлэн ЕБС-ийн 1-12 ангийн сурагчдад эрүүл мэндийн хичээлийг орох гэж байна. Эрүүл мэндийн хичээлийг 1-12 ангид орж эхэлснээр хүүхдүүд эрүүл мэндийн цогц мэдлэгтэй болох юм. Бага ангийн сурагчдад гараа угаахын ач холбогдол, дэлгүүрт ороод эрүүл мэнддээ хэрэгтэй ямар сонголт хийх зэрэг энгийн мэдлэгийг өгөх бол дунд ангиас нь эхлэн нөхөн үржихүйн эрүүл мэндийн талаар мэдлэг өгөх ажээ. Ямартай ч олон жил яригдаж эцэг эхчүүдийг хүлээлгээд байсан эрүүл мэндийн хичээл ирэх хичээлийн жилээс орж эхлэхээр боллоо

“Камержуулалт-2”аян эхэллээ

Монгол Улсад гэмт хэргээс урьдчилан сэргийлэх ажлыг зохицуулах зөвлөл, Нийслэлийн Иргэдийн Төлөөлөгчдийн хурал, Нийслэлийн цагдаагийн газраас хамтран нийслэл хотод үйлдэгдэж буй гэмт хэргийн шалтгаан нөхцөлийг арилгах ажлын хүрээнд “Камержуулалт-2” аян эхлүүллээ.Тодруулбал, орон сууцны орц, гадна орчин, гэр хорооллын гудамж, нийтийн эзэмшлийн талбай зэрэг газруудыг камержуулж иргэдийн эрүүл, аюулгүй орчинд амьдрах нөхцөлийг бүрдүүлэх, гэмт хэргээс урьдчилан сэргийлэх ажилд иргэд, олон нийтийн оролцоог нэмэгдүүлэх зорилгоор 60 сая төгрөгийн шагналын сантай “Камержуулалт-2” болзолт уралдааныг 2018 оны дөрөвдүгээр сарын 1-ний өдрөөс эхлэн хоёр сарын хугацаатай зарлаж байна. Өнгөрсөн онд зохион байгуулсан “Камержуулалт-2” болзолт уралдаанд нийслэлийн 152 хороо, 270 гаруй сууц өмчлөгчдийн холбоо, хөршийн хяналтын бүлэг, иргэд идэвхтэй оролцож гэмт хэрэг, зөрчил ихээр үйлдэгддэг эмзэг цэгүүдэд 534.0 сая төгрөгийн 2211 камер шинээр суурилуулжээ. Энэ удаагийн болзолт уралдаанд дүүрэг, хороо, сууц өмчлөгчдийн холбоо, хөршийн хяналтын бүлэг, иргэдээс гадна аж ахуйн нэгж байгууллага оролцох боломжтойгоороо онцлог юм.

dd1f04ec4c331dd801ba46f6c7e9806d
2396

Ажлын байрны бэлгийн дарамт их байна гэсэн судалгаа гарчээ

Ажлын байрны бэлгийн дарамт өмнөх жилүүдээс нэмэгдсэн гэсэн судалгаа гарчээ. Тухайлбал Хүний эрхийн үндэсний комисс, “Ажлын байрны бэлгийн дарамт” ТББ-аас судалгаа явуулжээ. Судалгааны үр дүнд гурван хүн тутмын нэг нь ажлын байрны бэлгийн дарамтад өртдөг гэж гарсан байна. Мөн 95 хувь нь ажлын байрны бэлгийн дарамтад ямар нэг байдлаар өртсөн гэх хариу гарчээ. Насны хувьд авч үзвэл 20-50 насныхан өртөж байна. Ажлын байрны бэлгийн дарамтыг Жендэрийн эрх тэгш байдлын тухай хуулиар зохицуулж хариуцлага тооцдог. Гэвч иргэдийн хувьд энэ талын эрх зүйн мэдлэг дутмагаас үүдэн таслан зогсоох, хариуцлага тооцох талаар дурсдаггүй байна. Иймд ажлын байрны бэлгийн дарамтаас хэрхэн сэргийлэх, өртсөн тохиолдолд хаана хандаж, хэрхэн зохицуулах талаар мэддэг байх нь чухал юм.

30074612_1677646068988929_1667154477_o

Байгалийн ус, геологи орчны судалгаа ном шинээр гарлаа

ШУТИС нь манай эрдэмтэд цуврал номыг гаргаж оюутан залуучууд болоод олны хүртээл болгодог. Энэ удаагийн цувралаар ШУТИС-ийн зөвлөх, Монгол улсын гавъяат багш Батсүхийн “Байгалийн ус, геологи орчны судалгаа” номыг хэвлүүлсэн байна. Тус ном нь Монгол улсад гидрогеологи, инженер геологи, геоэкологийн дээд мэргэжилтэн бэлтгэж эхэлсний 45 жилийн ойд зориулан гаргаж байгаа ажээ. Энэхүү бүтээл нь 2011-2017 онуудад монгол орны газар доорхи ус, геологи орчны талаар өөрөө болон шавь нартайгаа хамтран хийсэн судалгааны ажлынхаа үр дүнд тулгуурлан бичжээ. Монгол орон усны нөөцөөр баян бус орон юм. Усны нөөц хүний үйл ажиллагааны нөлөөгөөр хэрхэн бохирдон хомсдож байгаа, ялангуяа газар доорх усны байгалийн болон техноген илрэл болох булаг , худаг, цооногийн ашиглалт, хамгаалалт ямар түвшинд байгааг дэлгэрэнгүй судалж үзсэн байна. Энэхүү бүтээл нь эрдэм шинжилгээний ажилтан, судлаачид, төсөл боловсруулагчид, байгаль хамгаалал, уул уурхай барилгын мэргэжилтнүүдэд зориулагджээ.

Залуучуудын хөгжлийн төв үндэсний хэмжээнд ажиллана

Энэ оны 1-р сарын 1-ээс Залуучуудын хөгжлийг дэмжих тухай хууль хэрэгжиж эхэлсэн. Тус хуулиар төрөөс залуучуудын хөгжлийг дэмжих чиглэл, төрийн бүх шатны байгууллага, албан тушаалтны бүрэн эрх, чиг үүргийг тодорхойлсон байдаг. Мөн тус хуульд “Орон нутагт залуучуудад зориулсан нэг цэгийн үйлчилгээ үзүүлэх залуучуудын хөгжлийн төвтэй байна” хэмээн заасан байдаг. Үүний дагуу 21 аймаг 9 дүүрэгт залуучуудын хөгжлийн төв ажиллаж эхлээд байна. Өмнө нь НҮБ-ын Хүн амын сан, Швейцарийн хөгжлийн агентлаг, Люксенбургийн засгийн газар дэмжин 11 аймаг, гурван дүүрэг, хоёр суманд залуучуудын хөгжлийн төвийг дэмжих төв ажиллаж байжээ. Одоо үргэлжлүүлэн бүх аймагт ажиллуулж эхлээд байгаа ажээ. 5 –р сард тус төвд ажиллах мэргэжилтнүүдийг чадавхижуулах сургалтыг явуулах ажээ.

suragch

6 настнуудыг ойлгож, сурч байж хичээлийг нь хийлгэнэ

Миний хүү охин энэ жил 1-р ангид орсон. Хэрхэн яаж хичээлийг нь хийлгэх учраа олохгүй байна гэж олон ээж аав ярьдаг. Тэд ихэнхдээ тэвчээр алдагдаж уур бухимдал гаргадаг байна. Харин асар их тэвчээртэйгээр хүүхдээ ойлгож, мэдэрч, сурч байж хичээлийг нь хийлгэнэ.Таны хүүхэд цэцэрлэгийн тоглоомын талбайгаас хичээлийн ширээнд шилжиж байгаа учраас багагүй бэрхшээл тохиолдоно. Сэтгэл зүйг нь бэлтгэхээсээ гадна тухайн хүүхдийнхээ суралцах онцлогийг мэдэх ёстой . Манай хүүхэд юмыг яаж заавал илүү хурдан сурдаг гэдгийг эцэг эхчүүд мэддэг байх хэрэгтэй гэнэ. Үүнийг мэдэхгүй бол зөвхөн өөрийнхөө арга барилд хүүхдээ оруулж сургах гэж албаддаг байна. Хүүхдийнхээ хичээлийг хийлгэж сургах нь эцэг эхчүүдээс их сэтгэлийн тэвчээр шаарддаг. Эцэг эхчүүдийн том алдаа нь миний хүүхэд юм чинь миний хүслээр явах ёстой гэж боддог. Хүүхэд хүмүүжүүлнэ гэдэг хэн хүнээс тэвчээр шаардана. Хамгийн гол нь эцэг эхчүүд үлгэрлэж үзүүлэх нь чухал юм. Тиймээс хүүхэдтэйгээ тэвчээртэйгээр харилцаж байгаарай.

Эфирийн онцгой дуугаралт болов

Анх 2001 оны 5 сарын 2-нд сонгодог хөгжим эгшиглүүлэн Гэр бүлийн радио 104.5 анхны шууд эфирээ нээж байсан түүхтэй. Энэ 17 жилийн хугацаанд 30 гаруй шууд нэвтрүүлэг, 60 гаруй бичлэгийн нэвтрүүлгийг бэлтгэн 7 хоног 24 цагийн туршид шууд эфирээрээ хүргэсэн байна.Монгол гэр бүлүүдийн сайн сайхны төлөө радиогийн уран бүтээлчид нэвтрүүлэг уран бүтээлээ хүргэн ажиллаж байна. Гэр бүлийн радио өнөөдрийн байдлаар цахим ертөнцөд gerbulradio гэсэн твитэр болон фэйж хуудсаар, дэлхийн өнцөг булан бүрт www.1045.mn цахим хуудсаар,  хүрч байна. Өчигдөр эфирийн онцгой дуугаралтаа хийж нэвтрүүлэг хөтөлбөрүүдийн цагт өөрчлөлт орсон билээ. Тухайлбал өглөөний 930 шоуны цагт 1000 оноо хөтөлбөр, 930 шоу оройн 17 цагт хүрсэн юм. Харин  оройн 21 цагт хүрдэг нэвтрүүлэг өглөө 9 цагт хүрсэн юм. Энэ нь сонсогчдын гайхшралыг төрүүлж байлаа. Гэр бүлийн радиогийн дуу хоолой  Хөвсгөл, Багануур, Баянхонгор, Налайх, Ховд, Шанд, Булган, Дархан, Эрдэнэтэд хүрч  орон нутгийн хөтлөлттэйгээр шууд эфирээ хүргэж байна. Гэр бүлийн радиогийн уран бүтээлчид бид Эрүүл харилцаа, Ивээгдсэн гэр бүл, Эвлэрсэн нийгмийн төлөө уриатайгаар ажиллаж байна.

logo
21-1

Нийслэлд малтай иргэдийг нүүлгэн шилжүүлнэ

Нийслэл хот орчимд мал бүхий иргэд суурьшихыг хориглосон тодорхой бүс байдаг байна. Өөрөөр хэлбэл нийслэлийн 6 дүүргийн 7  хороодод мал байлгахыг зөвшөөрдөг байна. Дээрх малтай өрхийн ихэнх нь малын ашиг шимээ зарж борлуулах сонирхлоор хориглосон бүсэд байдаг байна. Гэвч мал байснаар малын гаралтай халдварт өвчнөөр өвчилж олон сая төгрөгийн хохирлыг улсад учруулж байгаа юм. Иймээс Нийслэлийн иргэдийн эрх ашиг, эрүүл аж төрөх байдлыг хангахын тулд хориглосон бүсэд мал бүхий иргэдийг байлгахгүй байхаар болжээ. Ирэх 5-р сарын 1-ээс хориотой бүсэд байгаа мал бүхий иргэдийг малаа хотод байлгахгүй байхаар болжээ. Нийслэлийн Чингэлтэй, Баянгол, Сүхбаатар дүүрэг бүхэлдээ мал байхыг хориглосон байдаг байна. Харин Хан-УУл, Баянзүрх, Сонгинохайрхан дүүргийн мал аж ахуй эрхлэхийг хориглосон бүс нутагт гадны аймаг сумаас мал хүлээн авах, тавиул мал байлгах, малын тоо толгойг нэмэгдүүлэхийг хориглосон байдаг байна. Мал бүхий иргэд 5-р сарын 1-ээс малаа хориотой бүсэд байлгахгүй болж байна.

Хүүхдүүдийнхээ давсны хэрэглээг багаас нь зохицуулаарай

 Манай улсад өвчлөлийн тоо болон нас баралтын хэмжээгээр даралт ихсэх, цус харвах зэрэг зүрх судасны өвчнүүд тэргүүлэх байрыг эзэлж байна. Зүрх судасны өвчин үүсгэх гол хүчин зүйлүүдийн нэг нь давсны хэт хэрэглээ юм. Дэлхийн эрүүл мэндийн байгууллагаас эрүүл хүн өдөрт 5 гр буюу жижиг халбага хэмжээтэй давс хэрэглэхийг зөвлөдөг. Гэтэл манай улсын хүн ам дунджаар 11 гр давс хэрэглэж байгаа нь хэт өндөр үзүүлэлт юм. Өөрөөр хэлбэл давсны хэрэглээ өндөр орны тоонд орж байна.Ялангуяа хүүхдүүдийнхээ давсны хэрэглээг багаас нь зохицуулж аль болох бага өгч байх нь халдварт бус өвчнөөр өвдөхгүй байх боломжтой юм.  Хүүхдийг багаас нь давс багатай хоол, хүнс хэрэглэж сурах, давсны хэрэглээг бууруулах, тэдний эрүүл мэндийг сайжруулахад эцэг эхийн үүрэг оролцоо чухал юм. Давсны илүүдэл хэрэглээ нь зүрх судасны өвчин, цусны даралт ихсэх, хавдар зэрэг халдварт бус өвчин үүсэх нэг шалтгаан болж байна.

2017-02-06-cross-country-pyeongchang2018-inside-03-1

“ПЁНЧАН 2018” ОЛИМПЫН НААДМЫГ ГЭРЭЛ ЗУРГААС ТОЛЬДООРОЙ

Монголын уран зургийн галерейд сор болсон 4000 гаруй бүтээлүүд байна. Жил бүр уран бүтээлчдийн шинэ бүтээлүүдээр баяжигдаж үзэгч олны хүртээл болдог. Уран зургийн галерейгаар жилд 5000 гаруй хүн үйлчлүүлж урлагийн сор бүтээлүүдтэй танилцдаг байна. Он гарсаар 20 гаруй үзэсгэлэнг зохион байгуулжээ. Галерагаас хэрэгжүүлж буй нэгэн томоохон ажил нь 14 хоног тутамд зураг зурах сонирхолтой хүмүүст зориулан зургийн урлан явуулж байна. Гэр бүлээрээ хүүхдүүдтэйгээ хүрэлцэн ирж зураачийн заавраар зурж өөрсдийн гэсэн бүтээлтэй болж байна. Ялангуяа эмэгтэйчүүд гэрийн эзэгтэй нар хамгийн их ирж байгаа ажээ. Нэг удаа ирсэн хүмүүс дараагийн удаа гэр бүлээрээ хүүхдүүдээ дагуулан ирдэг байна. Сонгодог хөгжмийн аянд өөрсдийн гараараа бүтээл туурвих нь сэтгэлийн таашаалыг өгдөг байна. Иймд гэр бүлээрээ байнга ирж бүтээл туурвидаг хүмүүс олон болжээ. Та ч мөн хүүхдүүдээ дагуулан ирж урлагийн ертөнцөөр аялаарай.

Хүүхдээ бага наснаас нь номтой нөхөрлүүлээрэй

Өнөө цагт номыг хүүхдийн  насны онцлогт тохируулан чанарын өндөр түвшинд хэвлэдэг болсон. Эцэг эхчүүд ч хүүхдүүдийнхээ боловсролд эртнээс анхаарч хүүхдүүддээ ном худалдан авч өгдөг болжээ. Хүүхдээ гэдсэнд нь байх үеэс үлгэрийн ном уншиж өгсөн хүүхэд тайван амгалан байдаг бөгөөд Алдартай хүмүүсийн ихэнх нь багадаа үлгэр уншиж өссөн хүмүүс байдаг. Үлгэр сонсож өссөнөөрөө амьдралыг нь өөрчилж ирээдүйн сайн хүн болох замын эхлэл болдог. Номын санруу хүүхдүүдээ дагуулан ирж ном  уншуулахын зэрэгцээ хүүхдүүддээ аав ээжүүд өөрсдөө ном уншиж үлгэрлэн үзүүлэх нь чухал. Та гэртээ байнга ном уншиж номтой  нөхөрлөснөөр таны хүүхэд номонд хайртай болно.Мөн хүүхдээ багаас нь номын дэлгүүрээр дагуулан явж номын санд байнга  ирүүлснээр хүүхэд тань номонд дуртай болно. Иймд бага наснаас нь номын хорхойтон болгож хүмүүжүүлээрэй.

olloo_mn_1402642241_hvvhed
6

Гарал үүслийн бичиг харж худалдан авалтаа хийгээрэй

Өнөөдрийн байдлаар малын гоц халдварт шүлхий өвчин 12 аймгийн 33 суманд гарсантай холбогдуулан Нийслэлийн нутаг дэвсгэрт өвчний халдвар дамжих эрсдлээс сэргийлэх зорилгоор арга хэмжээ аван ажиллаж байна. Ажлын хүрээнд өвчний голомттой сэжигтэй бүс нутгаас мал амьтан тэдгээрийн гаралтай түүхий эд бүтээгдэхүүнийг нийслэл бусад аймаг суманд тээвэрлэх, худалдахыг бүрэн хориглож байна. Мэргэжлийн хяналтын газар, цагдаа, онцгой байдлаас 24 цагийн жижүүрийг тусгай постуудад хийж байна. Гоц халдварт болон малын бусад халдварт өвчнөөс урьдчилан сэргийлэх ажлын явцад байнгын хяналт тавьж, шаардлагатай тохиолдолд Нийслэлийн МХГ-ын 70128012 тоот утсанд шуурхай мэдээлж байхыг анхааруулж байна

Хооллолтын зөв дадалтай болъё

Монголд насанд хүрсэн хүмүүсийн 54 хувь, тав хүртлэх хүүхдүүдийн 14 хувь нь жингийн илүүдэлтэй байна гэдгийг ЭМЯ болон ДЭМБ-ын судалгаагаар гаргажээ. Мөн өсвөр насны хүүхдүүдийн 12 хувь нь жингийн илүүдэлтэй нь тогтоогджээ. Тэгвэл бага насны хүүхдэд эрүүл мэндийн боловсрол олгосноор жингийн илүүдлээс гаргах боломжтойг мэргэжилтнүүд хэлж байгаа. Жингийн илүүдэлтэй нийт хүмүүсийн 30 хувь нь хүүхэд байхдаа жингийн илүүдэлтэй болж үүнээсээ хойш таргалсан гэх ДЭМБ-ын судалгаа байдаг. Түүнчлэн жингийн илүүдэлд ороход эрүүл бус, бэлэн хүнсний бүтээгдэхүүнийг их хэмжээгээр хэрэглэх, сахарын агууламж ихтэй шингэн юм уух зэрэг нь нөлөөлдөг байна. Ялангуяа хүүхдүүдэд буруу дадлыг өвөө эмээ нар нь өгч байна гэж мэргэжлийн хүмүүс хэлж байна. ДЭМБ-ын зүгээс хүүхдийн таргалалттай эрчимтэй тэмцэж байна. Хүүхэд сургуультай ойрхон байдаг худалдааны цэгүүдээс эрүүл бус, хүнс буюу түргэн хоол, чихэр ундаа зэргийг худалдан авч ихээр хэрэглэдэг. Тиймээс эндээс эхэлж зохицуулалт хийх нь насанд хүрсэн хойно нь хоол хүнсний дадлыг өөрчлөхөөс илүү үр дүнтэй гэнэ.

m_painting_copy

Эмэгтэйчүүд бүхнийг манлайлагчид байдаг

Монголын уран зургийн галерейд сор болсон 4000 гаруй бүтээлүүд байна. Жил бүр уран бүтээлчдийн шинэ бүтээлүүдээр баяжигдаж үзэгч олны хүртээл болдог. Уран зургийн галерейгаар жилд 5000 гаруй хүн үйлчлүүлж урлагийн сор бүтээлүүдтэй танилцдаг байна. Он гарсаар 20 гаруй үзэсгэлэнг зохион байгуулжээ. Галерагаас хэрэгжүүлж буй нэгэн томоохон ажил нь 14 хоног тутамд зураг зурах сонирхолтой хүмүүст зориулан зургийн урлан явуулж байна. Гэр бүлээрээ хүүхдүүдтэйгээ хүрэлцэн ирж зураачийн заавраар зурж өөрсдийн гэсэн бүтээлтэй болж байна. Ялангуяа эмэгтэйчүүд гэрийн эзэгтэй нар хамгийн их ирж байгаа ажээ. Нэг удаа ирсэн хүмүүс дараагийн удаа гэр бүлээрээ хүүхдүүдээ дагуулан ирдэг байна. Сонгодог хөгжмийн аянд өөрсдийн гараараа бүтээл туурвих нь сэтгэлийн таашаалыг өгдөг байна. Иймд гэр бүлээрээ байнга ирж бүтээл туурвидаг хүмүүс олон болжээ. Та ч мөн хүүхдүүдээ дагуулан ирж урлагийн ертөнцөөр аялаарай.

Мухар бодолд автан байгаль орчноо сүйтгэхгүй байхыг анхааруулж байна

Хаврын улирал ирж яргуй идсэн гөрөөсний цус ууж таашаал авах хүмүүс олширдог. Хүмүүсийн дунд эмчилгээний онцгой жор гэж андуурдаг. Гэтэл энэ нь ташаа ойлголт болохыг мэргэжлийн хүмүүс анхааруулж байна. Хамгийн гол нь халдварт өвчин тусах том эрсдэл байдаг байна. Бор гөрөөс нь ой хөндий хоёрын заагийн шимтэй хэсгээр үхэр хоньтой нийлж бэлчдэгээс шүлхий, бруцеллёз зэрэг өвчнөөр өвчлөх, вирус тээх нь их байдаг байна. Ийм амьтны түүхий цусыг ууснаар тээж яваа өвчнийг нь шууд авдаг байна. Мөн цус нь аливаа амьтны бүх эд эрхтэнрүү тэжээл зөөдөг. Үүнтэй холбоотойгоор тэрхүү тэжээллэг орчинд хян хамгийн түрүүн үрждэг байна. Иймд мухар ярианд автаж өөртөө болоод бусдад эрсдэл учруулахгүй байхыг анхааруулж байна.

e2bd0469bf6bf9b1great
Туслах цэс
by