1045
 
 

Хог тээврийн менежментийг сайжруулахаар ажиллаж байна

Налайх дахь Баялгийн хонхрын хогийн цэг нь 2009 оноос “Налайх тохижилт үйлчилгээ” ОНӨААТҮГ-т хамаарагдах болсон. Тус байгууллага нь 2018 оноос тухайн хогийн цэгийг 2-р зэргийн хогийн цэг болгохоор ажиллаж байна. Энэ талаар “НАЛАЙХ ТОХИЖИЛТ ҮЙЛЧИЛГЭЭ” ОНӨААТҮГ-ийн дарга Наянбаяраас тодрууллаа.

“2019 онд нийслэлийн төсвөөс 800 гаруй сая төгрөг хөрөнгө оруулалт авч ажиллаж байна. Үүнд хог түрэгч 50 ковш авто ачигч, дөрвөн ширхэг -50 градуст тэсвэртэй дугаар танигч камер, арван ширхэг гэрэлтүүлэг, харуулын байр, зориулалтын хаалга, тогийн үүсвэр гурав наяын шон гэх мэтчилэн ажлуудыг бол хийж байна.  Энэ ажил нь 2019 оны 10-р сарын 15нд бүрэн дуусахаар төлөвлөгдсөн. Манай байгууллага хог тээврийн үйлчилгээнд техник тоног төхөөрөмж бол үргэлж дутагдалтай байсаар ирсэн.”

Энэхүү хог тээврийн үйлчилгээ үзүүлж буй машин нь төвийн орон сууцын цаасны хогийг шахах тусгай тоног төхөөрөмжтэй машин юм. Машины элэгдэл хорогдол ихсэж, ашиглах боломжгүй болсон учраас төвийн айл өрхүүдэд хүрч үйлчилчхэд хүндрэлтэй байна. Энэ сарын 07-ны өдөр Улаанбаатар хотын захирагч С.Амарсайхан Налайх дүүрэгт айлчлахдаа тус байгууллагын ажилчидтай уулзаж ярилцан, тулгамдаж буй асуудал бэрхшээлийг нь сонссон. Мөн түүнчлэн тухайн тусгай тоноглол бүхий хогны машиныг 2020 оны нэгдүгээр улиралд нийлүүлэхээр болжээ.