1045
 
 

ОРГИЛ ХУДАЛДААНЫ ТӨВИЙН ХАЖУУД ПОСТ АЖИЛЛАЖ, ХЯНАЛТ ТАНДАЛТ ХИЙНЭ

Налайх дүүргийн Онцгой комисс энэ сарын 07-ны өдөр хуралдаж, нийслэлийн онцгой комиссоос гаргасан шийдвэрүүдийг танилцуулан, гишүүдийг дахин үүрэг өглөө. Дүүргийн онцгой комиссын хурлыг Засаг даргын орлогч Х.Анхбаяр ахлан, зарим албаны хүмүүс мэдээлэл хийв. Энэ талаар дүүргийн Засаг даргын тамгийн газрын хэвлэлийн төлөөлөгч Д.Одонтуяагаас тодрууллаа.1045“Нийслэлийн хэмжээнд найман постоор хяналт тандалт хийгдэх бөгөөд Налайх дүүргийн Оргил худалдааны төвд өргөтгөсөн пост ажиллаж зүүн болон урд чиглэлийн тээврийн хэрэгсэл, зорчигчдод хяналт тандалт хийх юм. Тус постоор нэгдүгээрт сэжигтэй байж болзошгүй иргэдийг илрүүлэх, хоёрдугаарт гахай болон тахиа, амьтны гаралтай бүтээгдэхүүнийг оруулахгүй байхын зэрэгцээ нийслэлд түүхий нүүрс нэвтрүүлэхгүй байх тухай Засгийн газрын 62 дугаар тогтоолын хэрэгжилтийг хангана. Иймд иргэдийг хүлээцтэй, бухимдалгүй, тэвчээртэй хандаж, корона вирусээс урьдчилан сэргийлэхийг уриалж байна. Онцгой комиссын хуралдааны төгсгөлд хэд хэдэн үүрэг даалгавар өгөв. Худаг усны цэгүүдэд мэдээлэл, зөвлөгөө, сэрэмжлүүлэг байршуулах, Зах, худалдааны төв, дэлгүүр хоршоо, үйлчилгээний байгууллагуудын стандартыг мөрдүүлэх, Мэргэжлийн хяналтын хэлтсээс хяналт шалгалт зохион байгуулах, шаардлага биелүүлээгүй, ариун цэврийн стандартыг мөрдөөгүй үйлчилгээний газрын үйл ажиллагааг цуцлах хүртэл арга хэмжээ зохион байгуулах, Хүүхдийн аюулгүй байдалд ОНЦГОЙЛОН анхаарал хандуулах, хорио цээрийн дэглэмтэй үед аль болох гэртээ хүүхдээ харгалзах хүнгүйгээр үлдээхгүй байх чиглэлээр мэдээлэл хүргэх, Хороод эрсдэлтэй айл өрхүүдээр хяналт тавихыг үүрэг болголоо”

Мөн түүнчлэн Постонд ажиллаж байгаа ажилчид хуваарийн дагуу түргэн шуурхай үйлчлэх, иргэдэд зөв мэдээлэл хүргэх, иргэдтэй зөв боловсон харилцах, Эмийн сангуудаар амны хаалт, ариутгагч зэрэг бодисын нөөцийг бүрдүүлэхэд хяналт тавьж ажиллах, Баар, рестораны цагийн хуваарьт хяналт тавьж, эргүүл шалгалтыг эрчимжүүлэх зэрэг үүрэг даалгаврыг онцгой комиссоос өглөө.