1045
 
 

ИРЭХ ОНООС ТҮҮХИЙ НҮҮРС ХЭРЭГЛЭХГҮЙ

Нийслэлийн гэр хорооллын айлууд жилд дунджаар 600 мянган тонн нүүрс хэрэглэдэг бөгөөд энэ нь агаарын бохирдлын гол эх үүсвэр болдог. Иймд Улаанбаатар хотын агаарын бохирдлыг бууруулах ажлын хүрээнд 2019 оны 05 дугаар сарын 15-ны өдрөөс хэрэгжиж эхлэх “Түүхий нүүрс хэрэглэхийг хориглох’’ тухай Монгол Улсын Засгийн газрын 62 дугаар тогтоол батлагдсан.Тухайлбал Засгийн газраас агаарын бохирдлыг бууруулах хамгийн энгийн, хямд, боломжтой арга бол түүхий нүүрсийг боловсруулж түлш үйлдвэрлэх гэж үзсэн. Үүнтэй холбогдуулан ажлын хэсэг байгуулагдан сайжруулсан түлшний  эрэлт, нийлүүлэлт болон үнийн тэнцвэртэй байдлыг хангах үүрэг хүлээн ажиллаж байна. Түүнчлэн сайжруулсан түлшийг түүхий нүүрсний үнээр зарах бодлого барьж ажиллаж байгаа юм. Энэ талаар Улаанбаатар хотын захирагчийн ажлын албаны дарга Гантөмөрөөс тодрууллаа.
Улаанбаатар 152 хороотой. Сайжруулсан түлшний цэгийг нэг хороон дээр 3-4 цэг байгуулъя гэж төлөвлөж байна. Үнэ маш чухал. Түүхий нүүрснээс хямд илчлэг дулаан чанар сайн байх ёстой гэж үзэж байгаа. Тун удахгүй цэгээ байгуулж эхэлнэ. Шат дараалалтай төлөвлөж байна.
Иймд иргэд, аж ахуйн нэгж байгууллагыг дулааны алдагдлаа бууруулах,байгальд ээлтэй дэвшилтэт технологиос өөрийн хэрэгцээнд тохирохыг сонгож, бэлтгэлээ эртнээс хийж, түүхий нүүрснээс зайлсхийхийг уриалж байна.Түүнчлэн энэхүү шийдвэр нь Баянзүрх дүүрэгт үйл ажиллагаа явуулж буй цахилгаан, дулааны эрчим хүч үйлдвэрлэх тусгай зөвшөөрөлтэй байгууллагуудад хамаарахгүй ажээ.